toyota corlla

Another possible reason could be vaccum leak. But, it should not happen on a fairly new car.

呢個症狀有幾個原因:

1, 生氣/入氣 -- 蝴蝶掩污糟, 令到生氣入引擎受到阻礙, 隙住隙住. 不過呢個問題冇理由番維修部會檢查唔到.

2, 電壓 -- 電池老化, 唔夠電, 或者charge唔到電番去電池度, 車一減速同停低時打拿磨/發電機功率下降, 電壓少咗, 就會有咁嘅情況發生. 我私人同公司喺08年都出咗豐田車, 都有電池過早失效問題. 建議你叫車行檢查電池 -- 因為到我公司架車有事時佢地又係唔認, 公司個師傅講我架車個number出嚟同佢講同一個 record, 佢地先肯 check 電池, 證實係問題源頭後先肯免費更換. 但係如果你死火之後錶版D燈仍然好光, 又可以即刻著番引擎, 就唔係電池問題

3, EGR (廢氣循環閥門) -- EGR個彈弓喺慢速到停車時唔識回彈, 繼續令廢氣回流番入引擎, 導致燃燒用嘅氧氣少, 氧化氮過多, 導致死火. 不過呢個原因應該會令到架車錶版嘅 check engine light (好似一副引擎咁嘅圖案燈) 會著, 而車行亦都可以用 OBD II 儀器接上你架車嘅行車電腦讀 code揾到問題所在.

本人才疏學淺, 係諗到咁多...