判刑ー問......4個月即係要坐幾耐丫???

1. 判咗4個月, 由 24/2/10 開始計, 坐到足嘅話即係24/6/10出册. 但每名犯人入獄時都自動享有1/3 “行為良好減刑 (Remission)”, 俗稱 “假期”. 所以如果佢行為良好, 可以坐少1/3, 唔使坐足.
詳盡啲去計, 由24/2/10 到24/6/10, 共有121日 (2月坐5日, 3同5月坐31日, 4月坐30日, 6月坐24日). 121日嘅2/3係80 2/3日. 2/3日係懲教署豪俾犯人嘅 (法例規定只坐可少, 不可坐多. 所以2/3日唔可以當1日), 即係坐80日. 由24/2開始數80日, 即係5月14日就可以出册.
小弟唔係懲教署職員, 所以應以懲教署計算為準. 每個犯人都有個俗稱 “牌仔”嘅犯人身份証. 上面有一項叫 “EDD (Earliest Dischange Date)”, 即係 “最早釋放日期”. 呢個就係如果佢無加監嘅話, 扣咗假期嘅出册日期. 你問吓佢就知佢幾時出册啦.

2. 成年監房一個月可以探監2次.

3. 可以買咩入比佢, 男女監不同, 成年 / 未成年亦不同. 你無講佢男定女, 成年定未成年, 我答唔到你. 你去探佢時問吓d懲教署職員啦.