作曲常用旋律 ~急交功課~請oliver_915 if ok

對不起，遲了發現你發出的問題，我儘量兩天內回答你的提問。
其實我並不知道甚麼是常用的旋律，而且質疑是否有「常用的旋律」這回事存在。你舉的例子只是一句樂句，你是否問有甚麼常用的樂句？

2010-02-28 00:49:17 補充：
首先我想搞清楚，你本身對作曲有沒有興趣的？或只要應酬到功課就行了？不同的心態有不同的應付方式。
我更想知道的是，音樂老師既然要你交功課，那他不是應該先告訴你和作曲有關的資料嗎？否則學生怎可能交得到功課？那麼老師教過你甚麼呢？此外，你只是在就讀的學校學或是在專教音樂的地方學作曲呢？

2010-03-01 08:02:05 補充：
由於你冇回應我喺意見欄既提問，所以唯有假定你真係乜都未學過既門外漢。
我想先講講，我只係一個裝修判頭，唔係專業音樂人，只係以前學過樂理玩過結他喺夜店打過Ｂａｎｄ。雖然以前亦學過吓作曲，不過半途出家，主要係我既職業周時要趕工唔夠時間做功課兼且怕做功課，做果Ｄ四部和聲悶到嘔！
故此，我可以提供既只係業餘水平既嘢，如果你要求唔高，只係想作吓Ｄ歌仔，寫吓一般既流行曲旋律，唔要求俾埋和聲、節奏、配器（ＩＮＳＴＲＵＭＥＮＴＡＴＩＯＮ）俾你，應該都可以滿足到你既。
如果有音樂達人覺得回答內容有可以補充既地方，極度歡迎一齊客氣討論，教學相長係一件美好既事。

其實首先我想同你討論吓「旋律」呢個概念，旋律同樂句（ＰＨＲＡＳＥ）係有分別既。旋律既其中一個構成要素冇錯係樂句，但起碼應該要有好幾個ＢＡＲ以上既一段樂音至可以稱為旋律，因為旋律係整體性既，有情感既，但係你果短短七個音相信帶唔到乜嘢情感出嚟掛？
如果旋律係散文，咁樂句就係散文之中既片語或者句子，而且你果七粒音足唔足以成為樂句都仲係一個疑問。如果連呢Ｄ嘢都混淆，我哋好難話俾人聽話自己學作曲，所以我堅持搞清楚先。
你話你果句嘢係常用既樂句，但係我話唔係，我話以下果Ｄ至係常用既樂句，你又夠唔夠膽反對？
12│３５5353│6５3－35│６７3５6│－－－－】
12│３‧3３23│１－－34│ ５－－56│２－－－】
12│３‧34327.│１－－11│４‧44321│２－－－】
12│３‧3４‧3│３２－23│４‧4５‧2│３－－－】
5.│１‧1１23│５‧6５３│３‧65321│３－－－】
其實上面果五個例子，任何一個音樂專家睇到，佢都唔夠膽話唔係常用既樂句，因為根本就冇所謂「常用既樂句」呢樣嘢！
相信教作曲既老師都會鼓勵學生多用級進（ＣＯＮＪＵＮＣＴ）既音階音，因為咁樣比較容易帶出情感，唱起上嚟又容易朗朗上口。而你果句１２３２３５５就係用咗級進既進行方式而且好明顯喺一個音階上打滾，一頭一尾又用咗可以穩固調性既do同so呢兩個音，所以你咪認為佢係常用既旋律囉。
級進→容易帶出情感→易被接受→成為通俗音樂的寫作元素
上面果五句嘢都係曾經幾hit吓既流行曲開頭果一兩句，你留意吓佢地全部都係用級進既方式寫出嚟，
作曲有一ｄ基本嘢﹕
(1)樂曲起首使用DO及SO這兩個音，結尾不用說當然是回到DO這個音。
(2)樂句最尾一個音多點使用DO或SOL，以及RE及ME這四個音，少用FA、LA、TI幾個音。
以上適用於寫作大調，以下基本規則無大小調之分。
(3)一般都會以兩個小節、四個小節、甚或八個小節完成一句樂句。
(4)宜多用級進音，少用跳進音(二度音程以上)，大的音程跳躍(例如七、八、九度)更是只可間中使用。
(5)樂句要有問有答。
(6)........
(7)........
(8)........
(9)........
(10)......
如果你仲有嘢想一齊討論，可以過咗三月十日之後再發題，因為我而家裝修緊一間樓上鋪，如果遲咗交貨會被人罸錢> <。


2010-03-06 03:27:16 補充：
你選取既回答者所講既係曲式結構，唔係旋律，你完全誤會咗。

2010-03-09 23:35:14 補充：
題主你介唔介意話我知你幾多歲？

2010-03-11 22:23:14 補充：
我係一枝花既年紀。我問你係因為我覺得你可能理解唔到我喺回答裏面所講既嘢，我之前唔知你咁細個。

是呀!oliver_915 即係話一D 好聽的旋律. 例如: drmrmss. 我要將你俾我的音名加入歌詞。我唔懂點樣作曲，只懂將歌詞加入旋律。還有 6 天發問到期呀! 幫下我la!

2010-02-28 14:58:45 補充：
有興趣的 還有 5 天發問到期呀! 幫下我la!

2010-03-07 15:51:04 補充：
我知呀！但係佢有心幫我呀！雖然我知你都有！

2010-03-11 18:43:05 補充：
11歲！ 你呢? 知你做乜?