請問夾份租樓住有什麼要注意?

請問夾份租樓住有什麼要注意?

當然要注意一齊租既嗰個人既財政能力啦....(包括屋租,水,電,煤等等...),另外就當然你地係咪一齊住開啦....因為始終相見好同住難,一般租約依家都會簽一年生一年死,你地最少要一齊住一年,如果唔夾就大件事啦。

租約要2人簽，落2名? 有何利敝?

利既當然係2個人名,當唔交租既時候就2個人都有責任既,如果落你一個名,例如佢唔交租業主就會追收你租,咁亦當然如果你茖佢名你唔交租就追佢啦....簡單啲咁講,一個名就只係落名既要負法律責任,2個名就2個都要負法律債任啦。

另外租約要打印花嗎? 有何利敝? 若他日加減租要改約再打印花嗎?

法庭只會受理有打印花既租約問題,即係話如果他朝有一日你同業主有任何租務問題要上庭既話有打印花先會受理,通常租約一簽就簽2年(一生一死),所以係無得加減租既,要租約完咗先再傾,亦即簽新租簽,簽完新簽約當然需要打印花啦

夾份租樓水費單、電費單，煤氣單落2人名嗎?

水,電,煤只可以一個人名

如業主願意租約可落2人名, 2名人表示2人都有責任, 如落一人名最後欠租就按租約上人名來追討.
但其他雜費一人負責登記一些較公平, 事前最好白紙黑字商量好, 相見好同住難, 最好先小人後君子.

一般都係落一個人名 ka jar. 又唔係買樓．水電媒就更加必須係一人名啦．一般租約都需打厘印的．好平／不過２００幾蚊．你地同業主一人一半即百幾姐．打左有保障好多．至於落邊個名，就要自行商量喇．冇人落兩個名的．咁你地兩個一齊住．都應該有個基本信任啦．是但落一個人名 lor.