電視潮濕.買抽濕機有無用?

正常來說並不會有人用抽濕機為電視機抽濕，只要每天都開電視，本身的熱力已經可以驅走濕氣。

長時間唔開電視，那就要用膠袋封好較為理想，如受潮太多，可能你開機後一會便會出問題，內部高壓跳火燒零件。



2010-02-25 11:03:20 補充：
開唔到電視睇都會有好多不同狀況，未有說明，如收台有問題、雪花多、屏幕唔著等等。
如果收台有問題、雪花多抽完濕就可正常，那有機會係高頻接收頭問題，屏幕唔著可能係電源系統不能工作，如旁路或濾波電容失效，脫焊等等。
只有在很潮濕、電視內很髒很多塵，而供電系統正常，並有高壓輸出才會燒零件。

如每天都開機幾小時，肯定係唔使用抽濕機抽濕的，如是者每次都唔著機，電視本身有問題吧了。

你架電視機既問題應該唔係受潮濕影響, 可能係電路板上有一個焊錫點爆錫(接觸不良)所致, 如果電視機受濕氣太重影響你會聽到放電聲音螆螆響, 如果你係電工唔識修裏電視機既, 不過你可以試試睇個電路板尤其係電源部分機囘瞄部分, 你應該注意如果係舊款CRT電視機囘瞄電壓高達25000V, 小心為上。