我的第一次?

佢話對女仔第一次有所謂你唔開心係因為你覺得佢唔重視你的第一次，還是你覺得佢唔覺得女仔同他做第一次好重要？

假如佢話佢好重視女仔第一次，意思係好想同處女做，咁你係咪會好樂意奉上？

可能你諗清楚，你要求佢好注重女朋友要係第一次，咁佢係咪應該只可以徵求處女做女友，咁既男仔你又會唔會鍾意呢？

你應該問佢：你覺得「我哋」既第一次重唔重要？

你唔係要比第一次佢，而係要問自己是否愛佢超越你對第一次所代表的意義，而你了解他是否愛你超過佢對佢同你第一次的意義。

如果咁都唔明。先問自己你的第一次對你是代表甚麼？問他佢的第一次對佢有乜意義？佢同你第一次的話有乜意義？[可以分開不同時候問的]

回看發現你仍是認為你考慮係「送」第一次比人哋這想法真係有點不智。不過好釆佢似乎唔係處女獵人。只係兩個月我諗你連佢鍾意著乜底褲都未知吧。認識清楚上面的問題而發現你自己同佢都對對方可以在發生第一次之後仍然會是相愛地相處，或者到時才考慮你所問的問題。

p.s.我都知可能同你唔係好啱口形，不過希望你唔好以為「性」係好簡單的操控在你掌握當中。

你要慢慢諗諗..因為女仔既第一次真的好重要

咁大家覺得我應吾應該比第一次佢 ?

圖片參考：http://a5556.myweb.hinet.net/msn/e_word/ew%20(21).gif


識得 2 個月到就成日問妳幾時同佢做 ( 佢用講笑形式妳咪唔會嬲囉！ 奸到死 ~ )， 證明佢 ge “愛”真係要“做”至得 …

唔想勉強妳 … 係心個句就唔好成日問； 成日問即係唔死心 ( 假到死 ~ )

話留返比其他人 … 除左可以試出妳係咪 virgin 外， 仲可以以退為進， 等妳感動， 以為佢好偉大， 嗱嗱聲比佢 ( 口是心非 … )

果次我傾傾下計問佢男仔係咪好注重女朋友既第一次， 佢就話其實吾係好注重 … 冇咩所謂咁 …
如果佢話重要， 佢驚妳會唔肯比佢， 咁咪o徙晒自己 d 心機 ？ 佢點會咁蠢呀 ！

暫時有幾樣野啦


第一:
"同我男朋友大概兩個月到"

兩個月既感情,姐係未穩定.
咁你要問自己幾個問題
第一:你愛唔愛佢?
第二:佢愛唔愛你?
第三:你係咪認真?
第四:佢係咪認真?
第五:你想唔想?
第六:佢想唔想?
第七:你承唔承擔到個後果?(包括所有有可能既事.如玩玩下既感情,做完就玩完,可能有意外,第時老公唔中意,etc.)


第二:
"我男朋友成日講笑問我幾時同佢做,但我知佢講笑"

首先,
你要唸清楚到底佢係真係講笑,定係心裡面想你做主動而表面扮冇所謂?
如果係前者,咁就要唸個目的.點解無啦啦會講笑?仲要講關於呢d笑?
如果係後者,你就要唸番第一點所講既問題.值與唔值自己衡量下.


第三:
"佢都話我吾想吾好勉強我,話都係留返比其他人"

佢話唔想勉強,叫你留番比其他人
呢度有幾種可能性既心態:
第一:佢真係講真,唔想係你唔願意既情況之下迫你.如果係咁,佢就係一個識得尊重人既男仔,要得過
第二:佢係想要但又同你講唔好唔勉強,佢根本冇所謂.因為可能知道冇左你都可以有其他女仔.當然有小部份希望你表達"我唔覺得勉強",如果係呢個情況之下,就算同佢做左.咁都唔完全係佢既責任.因為你地係雙方情願之下做.結果係點就唔可以話邊個唔岩
第三:佢叫你留番比其他人,原因可能係佢根本就冇唸住同你長遠發展.咁呢樣野我就唔知你介唔介意,如果你都係覺得玩下就算既人,咁就例外
你地畢竟拍左拖唔耐,了解唔多.你覺得你可以猜得透你心思以外既人嗎?


第四:
"我睇得出佢錫我"

你點睇得出?就算睇得出,你知唔知佢錫你既目的,原意?
我都知有時拍拖唔可以唸太多野,但有時都要為自己分析下.係唔係對你好就大晒?
當有一日,佢對你唔好.咁你又可以點?你會點?
至少每一個人都係一個好獨立既個體,唔會話冇左邊個就生存唔到.


第五:
"但果次我傾傾下計問佢男仔係咪好注重女朋友既第一次
佢就話其實吾係好注重.冇咩所謂咁"

都係個句,女仔問男仔注唔注重
只會有兩個答案
一:在意,二:唔太在意
前者比較大男人,要個女人係附屬佢既.比佢第一次既女人就有機會係佢老婆.而唔係第一次既多數都係出面既女人
後者冇咩所謂,就比較少見d,一係就真係唔介意,一係就唔覺得你地既關係可以去到有性都會長遠發展


第六:
"我即時有d吾開心講真"

你點解唔開心?因為佢話冇所謂唔開心?因為佢冇表達想同你做就唔開心?
你既底線係邊?佢既然話唔係好注重,仲點解要唸佢真唔注重定假唔注重?
我唔知佢既機心去到邊,都唔知你既疑心有幾重.
總之大家係咪一齊係緣份.係幾世修番黎.有愛唔一定要有性,但冇愛就唔可以有性.呢個係我既原則.希望你參巧下


第七:
"咁大家覺得我應吾應該比第一次佢?"

我認為,基於以上既原因
你地拍拖唔耐,佢冇話好想,冇話唔想,你冇咩方向,你未詳細唸過
所以都係唔好住

其實拍拖有好多野可以做,唔一定要做呢d野.仲要係為左無知既好奇心同所謂既刺激.
你知唔知,點解有性既愛係特別短暫?咁係因為大家有過激情,激情過後未必習慣到/接受到變番淡既關係,咁就愈黎愈覺得感情淡左,繼而分手.值唔值得呢?

最後,容許我講多句
性既原意並非純粹為左一己私慾
否則到頭來只會傷害你地自己同身邊既人

拍拖只是兩個月,了解都未够深,還是了解多d佢先,同埋我覺得第一次應比最愛的人.

jenkin.lai1 講得岩嫁!!!
如果你已經5係處,
佢話好MIND,5通你呃佢咩,HOW?
鐘意係鐘意,有愛有性,
5係為左處女膜而愛你掛,穿左即刻走佬去咩?
仲細就5好啦,拍左幾年拖先啦~
傻妹~人地鍚你因為他愛你...
5好為左D咁既問題5開心啦...

過來人上...

你洗鬼睇佢咩..
你自己想唔想先?
想咩去馬架..