好苦惱呀..幫幫我...

上年8月 我係個camp到識到個女仔
佢係同我同一間中校+同級但係唔同班
係人搭人咁識既
果陣我同佢第1次見面就好好傾
但係果晚之後就冇再聯絡
之後9月
我係學校見番佢
我地就傾番計
我同佢交換左電話同msn
之後日日都有傾計
有時放假果陣我地可以傾成日
我唔會覺得悶
同佢相處耐左 大家愈黎愈了解 熟絡
我對佢果份感情亦都開始萌牙
之後有d同學發現左我地兩個成日係埋一齊傾計
就開始傳閒言閒言 我怕佢會介意
所以我果陣同佢開始保持番一段距離 之後佢好似發現左我有意避佢
就主動搵我搵我咩事 之後我就講比佢聽
但係佢話佢唔介意 so我地之後又close番
而且關係愈黎愈曖昧
之後有一晚 佢打比我

原來佢話佢前度男友想搵佢復合 但係佢而家好似鍾意左另一個男仔
之後佢再暗示比我知果個男仔係我 但係唔知我點樣諗
我就同佢講果個男仔都鍾意佢
但係我自己覺得件事好似發生得太快 我地真正相處既時間只係差唔多一個月
但係果陣我係好想試下拍拖係點 所以我同左佢係埋一齊
但係點知我呢個決定令到我後尾好後悔同埋傷心
第1個星期的確係好甜蜜
第2個星期開始 佢就對我好似淡左
我地傾計既時間愈黎愈短 可能係我果份新鮮感已經冇左
定唔知係其他原因 佢好似遠離左我一d
但係我仲好鍾意佢 我好想搵次機會約佢去街
增進一下感情 但係佢比我既答覆就係..
「情侶唔駛日日係埋一齊架 你不如學下我個fd同佢個bf
佢地都唔係日日都出街啦 但係感情又咪一樣咁好」
甘我都同意左 因為佢講既始終都有d道理
之後.. 我有個同佢同班既fd就約我出街玩
之後我就話唔得閒(因為我想再約佢多一次出街)
但後尾我fd同我講番話 但係你gf都去wor
我即刻呆左 佢唔係話佢唔得閒既咩?點解佢又同佢班fd出街..
then我放學果陣去搵佢
佢見到我先搵我去..佢問我:你一唔一齊去呀?
我就話我唔係咁想去(原因係我想試下同佢單獨出街一次 唔想同成大班人一齊)
點知佢同我講:「你唔去就算啦 我自己同班fd去算數。」
我聽到呢番話之後當埸呆左
我心諗「甘你其實有冇當過我係你男朋友先?」

(好多謝你地睇到黎呢度..)

之後我就即刻話去 (因為果陣我唔想甘快同佢玩完)
我一直都以為我同佢意見唔岩係因為佢係第4次拍拖
我係第1次拍拖 佢諗野成熟 我諗野比較天真
所以大家諗既野都唔同
所以自從呢次之後我都就冇試過同佢出街啦
因為星期一至五我地都要返學 大家又唔同班
所以日係學校見到面既時間傾計1個鐘都唔夠
有時更加係傾一兩句就冇時間
加上佢夜晚已經唔係好似以前咁搵我傾計
每次都要我做主動
星期6 佢要練籃球
有時唔駛練 但係佢都唔係搵我出街
可能佢覺得我地咁既關係已經足夠
星期日又要參加活動 成日都見唔到佢
基本上我地每星期真正見到面真係1個鐘都冇...
後尾有一次我係msn搵佢傾計果陣
我同佢講
呢排你好似幾忙 我地兩個好似好耐冇真正傾過計甘
所以比番三兩日時間大家休息下再重新黎過好冇?

之後佢同我講話:好啦 我都覺得呢排好似同你疏遠左d
仲有..我想同你傾番d問題再進入冷靜期
你可唔可以唔好對我甘好? (我問點解?)
佢就話就係因為你成日就我 搞到我有小姐脾氣
之後我猶豫左陣 就話:甘好啦我明啦 仲有d咩想講??
佢:仲有你可唔可以唔好成日約我?因為我地兩個平時都冇乜時間
大家各有各忙 所以無畏約啦 因為可能約左都味必去到
當真係有時間果陣先再約啦
我:好啦 我明架啦.. (果陣佢講到好似我令到佢冇曬空間甘..)

之後佢就同我進入左冷靜期
點知3日後..佢同我係電話裡面講
「不如我地將呢段感情擦左佢啦
我好後悔我地開始左 本身呢段感情根本唔應該開始」
我聽到之後呆曬 心諗:點解要分手??我做錯左d咩..?
係咪因為我成日都約你出街??搞到你覺得我煩?
之後佢就講:我同你分手原因係因為你諗野好單純
我同你就好似一個老師教緊一個學生野甘
但係教極都唔明個老師就算幾好忍耐力都好都會崩潰
而且我乜都要教過曬你我好大壓力呀 你明唔明呀?
我聽到之後對眼已經眼濕濕 可能我軟弱啦
之後佢就再同我講多次:不如我地擦番佢做番普通朋友算啦
話唔定我地之後可以"反抄"呢 (我知佢咁講係想勸我和平分手)
既然佢去意已決 我都唔再試留佢...因為佢決定左既野係冇可能變
所以我知道佢同我冇乜可能再係番埋一齊...
之後我就強忍眼淚話:好啦..甘我地擦左佢啦(但係把聲已經沙左)

之後係分手之後果星期到我去左佢qooza睇 我見到佢影左d相
相中係我見到佢係到攬住另外一個男仔..
果陣我睇到之後個心好痛



而家我想問既係
我諗野係咪真係太單純幼稚?
我真係諗過同佢天長地久 將來亦都視佢為結婚對像
我想問我咁諗究竟係咪好傻?
(因為佢成日話我地要考慮番年齡 唔好諗得太遠
唔好成日諗埋呢d"夢想")
大家可唔可以教我而家應該點做?
我仲係好鍾意佢.. 但係我只係想同佢做番普通朋友...
我而家次次見到佢果陣自卑感即刻湧曬上黎
我唔知點樣可以面對番佢...
(真係好多謝你地睇到黎呢到..)
麻煩曬咁多位~