而家同無線買部新機$17xx可免費睇無線收費電視真有奇事?

噚晚,我接到一個電話係無線收費電視打嚟,佢話我而家用緊果部'無線收費電視接收器'會用到五月,五月中會派人上門收回,而家份合約會同我終止。
佢仲話同佢買部機$17xx嘅話便可'免費'觀看到無線收費電視台和其它高清頻度嘅台,買咗果部機就'永遠係你嘅'佢哋唔會收返,不收月費,免安裝費,部機有一年保養。

佢話到時會同我取消份合約唔會再收我月費同再唔會再收到佢哋寄出的月結單,仲問我記唔記得每個月係邊一日扣數。
我上年五月同佢哋簽咗18個月合約,但係我唔係申請人,申請人係我老公不過係用我張卡付款,點解會打俾我唔係打俾我老公??

有冇無線收費電視用顧收過呢類電話?

佢哋會唔會打嚟呃我呢??佢一打嚟話揾x先生,我答佢:我係咩事,佢問我:你係咪x先生嘅太太,佢話收費電視打嚟,我問佢:邊間收費電視?佢又答到喎!

如果真係無線收費電視打嚟,$17xx買部機可以免費睇一世還可以睇到高清台喎...咁咪好抵,但係無線會唔會呃人,安裝好俾咗部機$之後又話要嘜費物費,佢仲問我屋企部電視係以前舊式電視定係而家的新款電視,佢講係舊款電視買$17xx果部機就得啦喎!