應唔應該quit?

其實我想講讀邊間大學只係決定你頭一兩份工既姐，之後就以工作經驗行先架啦。


重考al你要睇你自己定力夠唔夠仲有你究竟個問題係邊度，一.衰唔勤力就要睇下自己有冇決心啦，而家你一定好有決心架啦，我指既係可唔可以持久有決心。因為自修生真係好辛苦架，當你身邊既朋友去玩你冇得玩你會點? 仲有壓力呢，冇左個degree係手，家人自己既壓力超大你又可唔可以面對呢? 二. 衰自己咩都唔識既話就唔好簡al啦，因為得一年時間冇可能讀得番哂。而且你以前有係學校train, 而家做卷個sense都唔同左啦，你要pick up番唔係一件易事。


但係如果你堅持要retake al 我會建議你真係quit u, 樹仁要take attendance, 你堂堂都要返點有時間溫書，身邊既朋友玩你好容易心散。定力決心唔夠，最後個grade一定唔好。


你有第二d路既，可以用non-jupas, 你可以考好樹仁個gpa去報其他大學都得，不過gpa幾多先有得interview就要視乎大學邊個系啦。而且成功率唔高，一個系平均2,3個到啦，因為人地d u收都收asso先啦。


我覺得你既才能唔係一個學位可以決定到既，唔洗太驚認受性既，好多份工又唔會指定請某某大學既大學生既，樹仁最多只係比其他u少d機會姐，但係點都係一個大學生啦。出去大公司，都一定都有interview既機會。所以我會覺得你唔好徙時間啦，努力增值自己，學多d才藝，拎多d工作經驗。考好個gpa去，畢左業再去讀個碩士就洗到底架啦。


我既建議都係for你參考既，希望你唔好咁易受到我影響，最終要自己想清楚，話哂係前途丫ma...

Totally agree with Anchel!

其實你入樹仁之前有無仔細考慮過應否要個學位? 如果你係唔喜歡樹仁, 點解仲要讀, 而唔讀其他HD/ASSO? 老實講學校環境, 你入去報名或者面試都應該了解到. 認受性方面, 我承認樹仁比起八大個名無咁靚, 但你有無做過乜去提升自己實力? 學校唔靚可以增強自己實力彌補(例如: 努力讀書考獎學金、參加比賽拿獎), 但名校學位係唔係真係保障你有一份好工? 名校有D人係好勁, 但亦有D人唔係好得. 名校雖然普遍出路好, 但亦有人一畢業人工得幾千. 名校雖然可以增加你有面試機會, 但得唔得始終都要靠你.
你先問自己幾個問題:
1. 你隔幾年先再考AL, AL既野我相信你會忘記得七七八八, 而且入得樹仁, 多數AL都唔係考得好好, 你有無檢討過自己點解AL考得唔好? 有幾大肯定自己AL成績可以上到八大? 重考唔代表成績一定有進步, 反而退步例子亦有不少. 如果你可以考到八大機會好細, 唔建議你退學自修.
2. 如果你有申請Grant/loan而且獲批, 你有無足夠金錢去還? 如果你打算借錢還呢筆數, 你會如何規劃自己條路去還錢?
3. 你自己想做的行業是不是一定不會歡迎樹仁大學的學生? 而且, 面對自己大學和其他大學畢業生的競爭, 轉校能否真的保證你搵到心儀工作?
4. 其他院校學習氣氛係唔係好? 你自己轉換新環境後又會如何裝備自己?
是否Quit U我真係唔可以確實回答你, 你先仔細考慮以上問題答案才決定.

2010-02-24 10:32:10 補充：
AL都未考, 何以肯定自己無問題? 如果你AL無問題, 又駛乜入樹仁? 正如#003 Mandy話, 你退學自修, 可唔可以長期keep住好努力讀書心態? 而且得一年你又唔讀讀得晒? 唔少重讀生都無汲取教訓, 考試前幾個月仲未溫書. 如果你自己根本唔係讀al料子, 或者乜都唔識, 我唔建議你再考AL. 再想想如果你AL成績比你第一次差, 你如何向你及父母交代? 將來的路又如何走?

要否quit u再考AL係個需要詳細考慮的決定, 所以唔好求其話無問題就算, 而且你又唔係好充份答我問題, 特別係第3及第4題.