我學日文的困難

其實相對於其他歐洲語系，日文對於香港人黎講都算係幾易學既一種語言。
首先香港人或多或少有英語、國語既底子，咁對學拼音有好大幫助；其次就係日本文化隨處可見，講真，耳濡目染之下，每個香港人都總有一兩句日語係識既，可能亦都因為咁，香港有好多日語學校，作為學生黎講，選擇都叫做足夠的了。
至於日文拼音有咩需要注意，其實大致上都冇，只要你大約識得英文字既發音，咁大部分既日文字都可以好正確咁讀出(包括濁音、拗音)，不過要記得日文冇"r"音，所有"r"字頭既拼音都係讀"l"音；其次就係當中某一d音(如つ)，發音近似普通話，用個種感覺黎讀就ok了。

我自己都係初學無耐，以上就係我學完五十音既感想^^
大家互相提點下吧~

"但係我記左幾句句子同4個生字我就覺得唔想記,"
這是問題所在.
學不學到, 就看你付出多少.
查一查"根性"的意思吧.

你係自學的嗎?
自學的話就較難了~
我個人都係自學開始,同你一樣,都係記曬50音,就開始睇下d字,但係記記下就會覺得好多好難記,雖然係咁買參考書但係記完轉下眼就唔記得左
我覺得學語言如果可以一邊講一邊學好d(好似老土左少少),但係講真,同人講講下慢慢就會記得d字,仲可以汁埋兩方錯處。
其實你記曬50音,即刻學生字會無咩用...因為日文同英文一樣,動詞,形容詞等等都有變格,動詞分三類,形容詞分兩類等等黎搞變格,好似:
動詞
五段(第一組動詞)
原形(辭書形) ます形 否定形　 過去 　　過去否定
読む（よむ） 読み 読まない 読んだ 　 読まなかった
一段(第二組動詞)
原形(辭書形) ます形 否定形　 　過去 　　過去否定
食べる　　　　食べ　食べない　食べた　食べなかった
不規則動詞
原形(辭書形) ます形 否定形　 過去 　　過去否定
する　　　　　し　　　しない　した　　　　しなかった
仲有被動形,命令形,禁止形之類
形容詞都有分的說,所以你學完呢d會易明d,學埋句形的話,好多日文網頁都睇得明
唔明既字查字典,學左50音應該都識打的吧
其實最好出去學,一黎人教易明,二黎有個對象可以用日文講野

其實初學任何一種語言時，記該種語言既生字係會好困難，因為始終同你一直知道既發音唔同。
有d人會話只能夠死記，即係記住個讀音=某物，咁當然有d人係可以記得到又用得返，但都有唔少人會出現單字講得出，但到應用時乜都唔記得既情況。

我自己宜家學左日文1年幾，講真初初我都好難將個日文音同個生字連埋一齊，除左要keep住溫，如第一日溫十日，第二日加十個之外，平時行街見到識左既生字都會嘗試讀佢個日文音，再check返睇下啱唔啱(所以我會抄落本簿仔度隨身攜帶。再加上學個度有記憶法教我點記，就更加容易將d生字記入腦，我自己都覺得暫時學左年幾都未有話"記極都記唔到"呢個情況出現，所以呢個方法對我而言都算係幾有用吧!

其實我認為冇話應該要先學d咩生字，再學d咩生字咁，因為有d字唔到你講個刻你都唔知你要用，可能常用個d日常打招呼既就要先學吧!或者你買本自學書，跟住佢既課文一直學會比較有系統吧~否則自學的話真係唔知應該要學d咩先。

至於文法方面，你死記係唔得，你要睇左記住，跟住自己開始造句，造得多你先至會真係識得點樣用，你只係記一句例句，當有少少野唔同左時你就會唔識轉，咁記左都等如冇記吧!

希望呢少少既分享幫到你啦~

2010-02-26 14:57:26 補充：
我既意思唔係睇到個日文字讀出黎喎，而係例如我見到一張枱，我就會諗(嗯，佢個日文係つくえ...)；因為其實你如果已經記熟左五十音，咁你見到任何一個平仮名都一定讀得返出黎(最多高低音唔啱)，所以我覺得係咁死讀個日文冇用，一定要連結埋你既日常生活你先記得到入腦。

每個學員其實都要經歷這一關, 記單字同簡單句子是可行的方法, 可以每日記最少一個單字或者一句, 要不斷温習, 即係記早晨之後, 每天早上起床就跟自己說早晨, 見到人又在心里叫, 記食飯又即時温習等等. 你現在都說難, 到學文法時你就更加會感到悶, 要成功就要付出, 努力! 加油!