點解一個人係個零兩個月變到好似另一個人咁?今個月8號我生日,我老公無返黎陪我,我已經好嬲,年廿九個晚佢係電話到話要同我離婚,咁我即刻搭的士去公司問佢,佢話電話係已經講左,我話你要離婚當面同我講我即放你走,我問佢係咪有女人,佢話無叫我唔好嘈,仲話聽日(年三十)返屋企同我食飯先傾,跟住call的士叫我返屋企,年三十我要part-time成六点先返到屋企, (阿女話佢有返不過逗留唔夠兩個鐘放低錢就走左) 咁我咪打比佢,一直都唔聽,留言、短訊一個都無覆過,我就好似癲婆咁係咁打打到去年初一,起碼打左超過300次電話比佢,到初一晚佢先打番比我,我又走去公司同佢嘈,我要佢比理由我,佢居然話因為我唔肯幫佢返工,話我唔理佢 (實情係佢鬧我唔比我返公司)【間公司係佢自已開,係個會計無做我先去幫佢,我幫左差唔多佢3年,2009年11月27日開始我先無再番】咁起初我都以為係我錯,我想挽救,但佢又唔肯比機會我 (講真判左死刑都有得上訴) 毎一日我都去補救,日日如是直到18号晚我發覺佢電話有個短訊:今晚好涷起身著多件衫我愛你,但個名係我地一個男性朋友,我問佢佢唔答我,仲話收工同我返屋企,19号收左工我地塔的士返屋企,返到屋企佢叫個女起身同個女講要同我離婚,果一刻我心淡la傾好所有野之後,我再問佢個短訊,佢答我玩下姐,跟住佢走左,到左夜晚8点幾個女人用我老公個電話打比我問我系我老公邊個,講左一大輪我老公搶左個電話,鬧我話:你唔肯放手我咪而家令你死心law,跟住佢cut我線再打比佢己經唔聽,果時我嬲到想即刻跳樓死,跟住個女人用自已電話打比我(重唔打133比我知佢電話)係咁講對唔住跟住之後果D我已經聽唔入耳,即晚我去左公司同我老公嘈...
我想問:
1)我老公話要離婚,但佢又係度拖,都十幾日都未上律師樓究竟佢想点??
2)我老公係咪想我死,系新年先同我講離婚,都傾掂做乜個女人要打黎,
佢唔打黎我永遠都唔會知佢ge存在??
3)既然都離婚,点解重要對我講大話??
4)我老公同個狐狸精一齊只係2個月到,點解可以令佢變成咁??
5)其實我真係唔想離婚,有無辦法??
6)如果離婚D朋友叫我告佢通姦,有乜用??
我老公要離婚但又唔搵律師其實佢想点?
2010-02-22 7:22 am
回答 (7)
2010-02-23 2:07 am
✔ 最佳答案
1)我老公話要離婚,但佢又係度拖,都十幾日都未上律師樓究竟佢想点??始終同你有感情, 女都有埋啦 ! 可能佢未想得通o羅 ! 可能佢自己都唔知自己係唔係愛o個個狐狸精
2)我老公係咪想我死,系新年先同我講離婚,都傾掂做乜個女人要打黎,
佢唔打黎我永遠都唔會知佢ge存在??
個女人玩野o羅, 你唔須要理佢, 人地想激你, 你唔好仲計啦
3)既然都離婚,点解重要對我講大話??
心理上唔想你指責佢
4)我老公同個狐狸精一齊只係2個月到,點解可以令佢變成咁??
講明係狐狸精, 一定有辦法架啦, 而且成件事都唔可以講晒個女人, 牛唔飲水點o禁得牛頭底呢 ?? 多多少少係你老公變心或者貪新鮮的問題
5)其實我真係唔想離婚,有無辦法??
老實答你冇計架 ! 佢可以單方面提出分居, 2年後一樣可以離婚, 自己做人積極比起什麼還重要, 咁樣ge男人只會令你下半生更累
6)如果離婚D朋友叫我告佢通姦,有乜用??
睇下到時個官會唔會叛多d善養費比你, 聽你講個老公開公司都有d錢, 自己死都拿住d錢呀 ! 知唔知 ???? 就算佢離唔離婚你都唔知佢個心點諗, 自己有錢旁身第日都唔使憂心個女的生活先, 世上野好難講, 驚佢被狐狸精渣乾渣盡.
2010-03-02 4:32 am
回答是人要變沒計,明顯是他心不在妳處,但不用放棄,妳可以做是把自己當是單獨一個打扮自己,那個女人打來妳當她是朋友吧,,那男人妳把他當是朋友對待,記住對這個男人要衣服漂亮,態度是不大理會,悅目光容,至於婚姻紙,他一日不去搵律師,妳也是一樣,記得和別男人出街找個朋友要三人行,還有是這個時間妳要忍痛 ,有時男人玩的是想激發妳等妳忍無可忍時自己去搵律師,如果妳對他還有感覺的就要忍,公司的事我想妳是沒法去干涉的,因為公司有沒有妳名,如有的妳可在公司上玩弄他,,,對這個男人不要他知道的電話碼,
2010-02-26 10:57 am
起清佢d身家先.佢唔律師樓係未處理好d錢未藏得好.你自己要主動找律師知道自已權益先.教你同佢分身家佢會有咩古惑招.自已又有咩招令d錢過返比自己和個女跟誰人,
個女一定要自已要.不要等佢出招先.這個女人可能係騙財不一定真心.所以要保錢財.靠個老公醒目冇被人騙唔得.佢踏左陷井佢知鬼咩.
唔好想愛情問題.冷靜解決這事.
個女一定要自已要.不要等佢出招先.這個女人可能係騙財不一定真心.所以要保錢財.靠個老公醒目冇被人騙唔得.佢踏左陷井佢知鬼咩.
唔好想愛情問題.冷靜解決這事.
2010-02-26 12:40 am
算吧, 男人變成咁, 仲何苦跟他繼續死鬥; 說不定他想你跳樓, 再取保險金風流快活, 報紙也買過啦! 看來他對你及個女已沒有感情, 否則甚可能如此對待你及個女; 做女人應該死心就要決絕地死心, 即使他對你唔好, 那自己也要好好對待自己吧; 爭取多d錢留在身邊為自己為個女將來打算更值得啦!
不要為這樣的男人心痛, 也沒有用; 千其不要想死益佐佢! 祝福你！
不要為這樣的男人心痛, 也沒有用; 千其不要想死益佐佢! 祝福你！
2010-02-23 9:04 pm
『我話你要離婚當面同我講我即放你走』呢句好有問題，你點解唔話: 『點解咁講，慢慢講比我知。』
『佢有返不過逗留唔夠兩個鐘放低錢就走』佢係一個咁有信用嘅人，話番嚟就番嚟，同時仲會比家用你。
佢搵女人打電話比你係激你啫，而嗰個女人事後仲猛話對唔住，証明佢只係普通朋友咋。
你而家唔好猛咁迫佢『話離又唔離？』你應當佢係講笑，對佢話;『你有乜嘢想我改善嘅唔怕講出嚟，我改得到一定改嘅。』
2010-02-23 13:17:09 補充：
而家上面的女性嗰的溫柔手段已經好犀利，你學唔到十足都要學三成，否則個老公比人勾咗真係好唔抵。
『佢有返不過逗留唔夠兩個鐘放低錢就走』佢係一個咁有信用嘅人，話番嚟就番嚟，同時仲會比家用你。
佢搵女人打電話比你係激你啫，而嗰個女人事後仲猛話對唔住，証明佢只係普通朋友咋。
你而家唔好猛咁迫佢『話離又唔離？』你應當佢係講笑，對佢話;『你有乜嘢想我改善嘅唔怕講出嚟，我改得到一定改嘅。』
2010-02-23 13:17:09 補充：
而家上面的女性嗰的溫柔手段已經好犀利，你學唔到十足都要學三成，否則個老公比人勾咗真係好唔抵。
2010-02-22 5:44 pm
1) 你可以主動去揾律師辦離婚手續, 如果你老公吾去辦手續, 你又吾想離, 咁大家都拖下, 吾好理佢.
2) 每個人都會有迷失既時候, 你愛佢, 就原諒佢啦.
3) 每個人都會講大話, 吾好想太多令自己吾開心.
4) 你吾係佢, 未必知佢既思想.
5) 吾想離婚, 就吾好去律師樓簽名, 男人多數都會拖, 建議你暫時吾好再去煩佢, 照顧好自己同個女, 女人好似潑婦咁, 男人會覺得好討厭, 比D時間個男人去想一想, 可能一段時間後, 佢會返來, 你只需同佢講"我同個女都會等你返屋企", 之後你就吾好再煩佢, 好好生活, 注意自己外表, 要把屋企打理好, 去圖書館睇D關於婚姻既書, 心煩既時候, 可以去搵人傾下, 去教會或者念下佛, 要先平靜自己個心, 然後先可以慢慢思考大家既問題, 對老公有時要當佢係朋友咁關心下, 原諒佢.
2) 每個人都會有迷失既時候, 你愛佢, 就原諒佢啦.
3) 每個人都會講大話, 吾好想太多令自己吾開心.
4) 你吾係佢, 未必知佢既思想.
5) 吾想離婚, 就吾好去律師樓簽名, 男人多數都會拖, 建議你暫時吾好再去煩佢, 照顧好自己同個女, 女人好似潑婦咁, 男人會覺得好討厭, 比D時間個男人去想一想, 可能一段時間後, 佢會返來, 你只需同佢講"我同個女都會等你返屋企", 之後你就吾好再煩佢, 好好生活, 注意自己外表, 要把屋企打理好, 去圖書館睇D關於婚姻既書, 心煩既時候, 可以去搵人傾下, 去教會或者念下佛, 要先平靜自己個心, 然後先可以慢慢思考大家既問題, 對老公有時要當佢係朋友咁關心下, 原諒佢.
2010-02-22 8:22 am
一個人要變的話，一日都會變。有邊個想離婚？你估你唔離婚佢個心會返黎咩？
不要對一個不再愛你的人而傷心，堅強ｄ你仲有個女呀！加油！
不要對一個不再愛你的人而傷心，堅強ｄ你仲有個女呀！加油！
收錄日期: 2021-04-15 15:23:58
原文連結 [永久失效]:
https://hk.answers.yahoo.com/question/index?qid=20100221000051KK02020