我想環遊世界 , 大家可吾可能比 d 貼士我 ?

見樓主咁認真，小弟比啲意見你。樓上eric兄講的啱，去旅行要錢，無錢你真係去灣仔都唔得，所以如果樓主想實現理想，一定先要比心機讀書，將來有一份穩定又收入有盈餘既工作先可以實現。仲有，穩定及有規律既生活自有當中既好處，如果唔係大家都唔會咁做。無穩定既生活，根本無辦法支持你長期想去旅行既理想。另外，去旅行係閣下既私人理想，與人無尤，點可能有人資助你﹖點解樓主唔資助我或其他人去環遊世界﹖我想去既地方仲有好多呢！人生在世，唔可以下下都要人幫，任何理想都要靠自己努力爭取及實現，坐這山，望那山，最終只會一事無成。

事實上，本人既理想都同樓主一樣，都想四圍去旅行，依家我都去左唔少自己想去既地方，算係還左部份心願。不過，我想強調一樣野，就係我非常之唔推介好多人講既嗰種背囊式流浪。去旅行都係求開心姐，點解要辛苦到好似打仗走難咁﹖我去旅行堅持唔住青年旅舍，就算係地踎酒店都好都要有獨立廁所及房間，因為我實在唔要冒係訓覺時比人偷野既風險，而好似有啲人講話訓火車站就更加完全無考慮既餘地，都係嗰句，依家你係去旅行，唔係走難，無必要咁委屈自己。

另外，去旅行應該係長去長有，唔應該谷盡一次過用走難式咁跑幾十個國家。好似去歐洲咁，其實你絕對可以分幾次去，唔駛兩個月跑晒咁多地方。當然分幾次去既總成本會貴左，但如果你勁辛苦一次過去晒咁多地方，未來幾十年要去邊度﹖我鐘意一次旅行最多去兩個國家或四、五個城市，就算咁都已經好辛苦，我完全唔想去完一次大旅行之後留低既只有虛脫既回憶。

樓主想去旅行，本人有不少地方推介，呢啲地方唔算好貴，而且多野睇，絕對可以幫樓主開眼界。

如果唔想去咁遠又唔想駛咁多錢，番大陸最好。北京、杭州、西藏、敦煌等等等等既旅遊點都有大量宏偉又令人驚嘆既古蹟山水，最緊要係大陸近又消費平，保証你有難忘經歷。我身邊有好多朋友極鐘意去中國旅行，有唔少人去足十幾年番左N次大陸都覺得咁好玩，原因好簡單，因為中國就係有咁多山水名勝，令人永遠都有去遊覽既興趣。如果想慳啲，去台灣、星馬泰都唔錯，飛得近之餘又消費平。不過呢啲地方無大陸咁多野睇，未必啱樓主玩。

如果想去外國，去歐洲絕對係一流。歐洲有好多國家，我個人比較推介去法國、意大利、瑞士、德國等西歐國家。尤其係法國巴黎，我覺得應該係首次歐遊既首選。因為去巴黎唔貴，又唔駛四圍走，絕對啱玩。意大利玩四大名城，即羅馬、佛羅倫斯、威尼斯及米蘭都差唔多。瑞士去到邊都咁靚，而德國既不少城市就有好浪漫既歐洲小鎮風情。

唔去歐洲，有幾個地方都值得推介。埃及係人所共知既文明古國，嗰度既古蹟絕對係神奇，係香港求其去一間旅行社都可以全程五星級團，非常有價值。另外，布吉、浮羅交怡、沙巴都係熱門既渡假勝地，主要係嘆陽光與海灘。而馬爾代夫、帛琉(Palau)、夏威夷及大溪地(Tahiti)則係出名既熱帶天堂，雖然去既香港人唔係咁多，但如果有機會一定要去，因為真係非常靚，呢啲就要靠樓主慢慢努力儲錢然後先可以去。

2010-02-21 22:06:29 補充：
補充幾句，去外地識英文就夠，而家都無咩國家係唔識英文既情況下可以做到遊客生意，去大陸及台灣自然要識普通話。另外，去旅行最緊要安全，有好多地方係唔可以去既，因為隨時有生命危險。都係嗰句，去旅行係尋開心，無需要搵命搏。呢個世界有極多地方非常神奇但又可以安全遊覽，你可以去得晒呢啲地方已經非常好，絕對唔應該以身犯險。

我係另一條問題講左一啲唔應該去既地方，可比樓主參考﹕

http://hk.knowledge.yahoo.com/question/question?qid=7010021300426

2010-02-22 21:06:34 補充：
樓主既態度真係不要得。我地咁多長輩回應你係以過來人身份比啲意見你，你唔鐘意聽隨得你。只係你咁唔比面，起碼我就唔會再多講任何野。如果樓主請教人都咁寸，何必要問人﹖你做乜野鬼有人理你咩！

回 ken tang , 我說他們 copy 了其他網站的資料給我 , 是因為我看過 , 而且也沒什麼不同. 但我有怪他們嗎 ? 我找不到那段話 , 但我猜我大概只是指他的回答態度而非 copy 吧 !
我用他的其中某一句說他問非所答，但我只是說他那句問非所答 , 我沒有因他這一句問非所答而說他其他回答也是問非所答 , 我想我並沒有以偏概全吧!?
另外 , 其中一位作答者的態度確是不大好 , 我狂上面指出了許多 , 我也沒有以偏概全吧!?

我 post 的這條問題 , 自問態度還算好的 , 但遭到各位的指點和負面批評 ,
我不知道我的種種是不是真的那麼差 , 但我在此謝個罪 , 並會反省了.

看到上面的那麼對答，我真的覺得樓主有點身在福中不知福了。要知道上面幾個仁兄並非Copy一堆其他網站的資料給你，而是花很多時間打了這麼多東西，單是這點已經可以見到他們的誠意了。但在他們給你的那麼多建議中，你卻用他們的其中某一句說人問非所答，態度不好，又豈不是以偏概全？

其實到現在為止，我還未清楚樓主的環遊世界是以什麼方式進行，若果是想背個背包流浪幾年的話，那上面幾位仁兄的問題樓主可真要好好想想了。

環遊世界...
重小到我都知道是不可能的

旅遊生活...
可是我一直的夢想
喜歡到那裡就到那裡
到了找個地方住住
打打工賺錢
又去令一個地方看看
多麼自由呀
世界上有那麼多地方
每個地方的生活方式/文化都那麼不同
剛是可以感受每個地方的不同以輕很有趣了

比起你..
我想我比你感覺更壓迫
香港...地方不算大
不過還算有地方
我出生澳門,身在澳門
每天外出都想到..
''又係去xxx啦,好悶呀''
現在我才18歲
可是在我10歲我以覺得澳門小得很可憐
就像小得無法轉身,小得無法容忍
想找一丁點新鮮感都不可能
有時真的想什麼都無管..
沖去沒去過的地方看看
只無奈經濟問題..不然我早就沖了
哈...站時笑而遺之好了

hmmm...

你係想一次過去環遊世界 (一去幾年) ??? 定分好多次 (一年去幾次, 每次一兩個地方, 去幾日至兩個星期) ???

你自己本身去過旅行未??? 近如返國內旅行??? 甚至去過澳門或深圳旅行未?? 唔係去賭場同揼骨喎???

去旅行, 最好由近到遠, 由淺到深, 你先定下近期目標, 不如由內地開始, 先去一啲較熱間既地方, 因為資訊會多啲同容易搵到, 如北京, 上海, 華東等大城市圥, 起碼唔跟團, 買本旅遊書或者上網都好多資料... 自由行都比較安全.. 即使係呢類大城市, 都有好多本土風情可以發掘... 繼而諗吓亞洲區, 淨係日本, 唔同地方, 去埋鄉鎮, 都夠你去十次八次啦... 歐洲, 包括大城市, 如倫敦, 巴黎; 以及各國小鎮, 都要分好幾次去先去得晒啦..

費用方面, 內地城市, 如果住宿要求唔大, 平均使費, 都要預500一日; 日本歐洲消費指費高既地方, 住得麻麻, 使費都要預起碼1500一日... 機票錢都未計...

好多國家, 旅遊簽証係唔可以工作, 況且全球都失業率高企, 好難話一面工作一面旅行囉.... 除非你參加工作遊遊, 好似早前日本有旅遊工作計劃, 或者你讀大學, 參加同外國大學既交換生計劃囉

youth hostel 係青年旅舍, 係志願團體開既廉會旅館, 都好乾淨吓, 但係無得預訂, 每日指定時間前去排隊租, 而且仲要只係床位, 要同陌生人同房, 如果你有同無會好啲, 可以同同伴同房囉, 要用公眾浴室同公家厨房, 有啲地方既youth hostel好爆, 就算住幾日都要每朝重新登記入住, 而且最大問題, 通常youth hostel都位置於郊區, 唔近市中心, 例如香港的青年旅社, 喺離島架.....

另外有啲 home stay, 日本都有, 即係民宿, 有啲係當地志願團體辦, 有啲係網上旅遊機構辦... 不過都有一定既危險, 之前咪有個香港女仔, 去歐洲玩, 一路都住民宿, 點知去到英國既民宿, 俾個屋主強姦左...

你先定下短旅程, 去多幾次, 再plan吓長啲遠啲偏啲既行程啦...

除此之外, 見你所寫所講, 你都係入世未深同理想化, 而且同人溝通唔係幾好既人, 自己一個去旅行, 無論去邊, 都要提高警覺... 先跟吓團先啦...

問:我想在旅遊期間 , 多了解當地的文化 , 風土人情 , 我十分希望在那兒打工 , 住下來
回答:你想去幾多個地方?個個地方都住,打工,咁你要幾多日?咁你去一個地方都要幾個月,可能仲多,你要環遊世界,咁要幾多個月?你想想啦!係你有生之時,你都冇可能去得哂,+上政府唔會提供資助給你e類人架!你冇時間,冇好多錢,你都去唔去唔到你想去的地方,我想你都係可以去幾個地方,回來香港,你都係成世人留在香港 , 過一d平板乏味的生活 , 每天上班下班 , 結婚離婚 , 呼吸污濁的空氣啦-_- 我話左先,
" 我唔係串你,我係比我d意見你姐"
唔好嘈我,話我話你不勞而獲,一事無成,諷刺這個世界,我冇E個意思

其實妳可否現實一點。

想環遊世界 , 就要有錢。但妳既不想每天上班下班，又不想跟有錢人結婚。妳要知道去旅遊是不容許在當地工作的。難道真的有不勞而獲。

沒有一個人是十全十美。要環遊世界，妳可選擇和旅遊有關的行業，例如導遊，空中服務員，但如果學歷，知識，或性格不合，是難以勝任，所以並非妳想做就可以做。



2010-02-22 22:32:48 補充：
樓主，我沒有寸妳，只是勸妳，妳不要誤會。

如果妳認為我是答非所問，那現在就跟妳計一計：
單是美國，如果妳「不只是想去名勝古蹟」，還「希望一個國家入面的所有地方都去. 包括一些危險的地方 , 例如熱帶雨林 , 森林 , 瀑布 ...」

假設：
(a) 去美國50個州
(b) 每個州有5個城市要去
(c) 每個城市有10個區
(d) 每個區要花5天的時間去「了解當地的文化 , 風土人情」

2010-02-22 22:33:28 補充：
那麼：
單是要花的時間 = (a) x (b) x (c) x (d) = 50 x 5 x 10 x 5 = 12500 天 / 365 天 = 34.2年
已是你半生人的光陰。這只是一個國家而已。如果根據妳的要求環遊世界，我想要幾世人才可如願。

2010-02-22 22:33:58 補充：
(1) 衣食住行 = 每天1,000元 x 12,500 天 = 12,500,000
(2) 機票 = 12,500 天 / 180天 (簽證容許日數) = 69 次 x 8,000 元 = 552,000
(3) 醫療 = 34.2 年 x 5,000 元 = 171,000
(4) 導遊/租車 = 12,500 天 x 500 元 = 6,250,000 (我相信你未有能力計劃一個旅程)
(5) 景點入場費 = 5,000 元 x (a) x (b) = 1,250,000

2010-02-22 22:34:20 補充：
粗略估計單是遊覽美國的費用 = (1) + (2) + (3) + (4) + (5) = 20,723,000 元
利用這個估計，推算其他國家的費用，我已經不想計，因為「不設實際」。

所以我認為一定要腳踏實地，看多本書，對其他的國家多了解，天下之大，是妳想像不到。十年後當妳回想妳的問題，可能會一笑置之。

1個人去遊世界?我相信會十分沒有趣的.就算跟旅行團也是.