想開間串燒小食店(攞熟食牌定小食牌)

如果係第一次創業，建議多作research。例如銷售對象，售賣食品之種類(除了串燒之外還有沒有其他食品或飲品)，價格，地點等都需要作出考慮。

如果完成上述考慮後，建議就自己所有之資金作出評估。確定實行之可行性。亦要就所需要用之金錢作出預算。其間需要睇下你用咩機器，入貨來源等等．．．

之後搵地方，由於你係經營飲食業，所以必須要搵人流勁的地區，但相對租金亦會比較貴。一般旺區的地舖租金約數萬元，建議可找地產經紀到各區先留意一下。

定左地方之後可以搵各種承建商(包括裝修，鋼具等等...)，可以多搵幾間以作格價之用。如果你經營麵店，裝修從簡的話，價錢由數萬元至十萬元不等。基本必需要的項目如下：
-招牌
-來去水位
-牆身圍身
-地台
-供電等...

串燒店一般來說可以因應你經營之模式而考慮申請以下2種牌照:

1. 普通食肆牌照。如果有堂食的話可以申請此類牌照。

2. 食物製造廠牌照。如果只作外賣的話就可以申請此類牌照。

申請手續相當簡單，可以到食環署dl申請表格，填妥後提交至相關的食環署牌照部。食環署牌照部主要分３區，分別是：

1. 香港及離島區
2. 九龍區
3. 新界區

申請表格及簡介: http://www.fehd.gov.hk/forms/licencec.html


收費方面：
坊間有不少飲食牌照顧問，收費視乎實際情況及所包括服務而定。一般收費約萬多元至數萬元不等。

計算好成本後你就可以預算開業後每個月甚至每天要做幾多生意才回本。通常做飲食，一般要守半年以上，但如果你做外賣情況應該會比較好。

祝你創業成功，生意興隆。

希望可以幫到你。

我去問過食環署,唔係熟食牌或小食牌,係要申請食物製造廠牌照!係極極極極極麻煩!
其實我搵緊人合作,搞一檔賣小食,在馬鞍山,或傾詳細地方
一人出2500元,我同你合作,總成本5000元
我搵左供應商有食材貨,工具另買,請你email俾我傾
我的email係[email protected]

小食牌就可以. 唔用明火...
食環處
唔係... 有好多要求要做... 不過做外賣店要求就無咁高...

如果真係做就問多d 人... 去食環處web-site睇...再唔係...去書店賣本書睇下 (出左好多講開店嘅書)

有錢就可以搵公司幫你攪... 就唔洗咁煩.
頂人黎做轉名就ok... 咩都唔洗煩... 但就要考慮有無得做...

如果你係新手就頂人黎做好啦... 因為有好多野你諗到同諗唔到都有... 加上時間就係錢...