腳板底生雞眼...

腳板底係唔會生雞眼，"枕"係會有"指紋",疣就冇指紋既

如果生疣, 由於組織已經變異, 因此只可以用化學或物理方法去移除 , 並等候正常細胞生長。

化學方法例如外塗含水楊酸的藥水 , 但反應慢 , 治療時間長, 一般要連續塗兩個星期 , 一個月後先知道成唔成功。

物理方法即是手術 , 激光 , 冷凍治療。

手術一定有傷口 , 所以要洗傷口同折綫, 但可以取得已經變異組織去化驗 , 所以有好多醫生都鍾意。你預 3 4千。

激光會氣化組織 , 有好多醫生都擔心疣病毒會同時氣化並由鼻吸入。所以唔想做 , 另外價錢又貴 , 23 千起嘛。

冷凍治療令組織凍死 , 但表面無創口 , 所以嚴格來說無傷口 , 好方便。兩個星期後皮膚新肉會於痂下面 , 痂會自己剝落 , 事後無疤痕。以前都喺使用液態氮 , 成功比率高 , 因低溫可以達零下 200度 , 無組織唔凍死。但是唔喺每個醫生都會使用 , 於使用時因用一個好似噴水壺既嘢 , 唔係好準確 , 所以亦會凍死附近正常組織 , 一定起水泡。最近好多醫生都有買一枝會噴液態氮既筆 , 叫做 cryopen , 話準確到 1mm 。自己測過 , 真係 work. 價錢唔過 1千。無麻醉都只是小小痛

電烙...又痛又有疤 , cheap 嘮, 我以前醫生都無收我錢 , 但我勸你唔好哪。

私家普通科和政府皮膚科醫生都有冷凍治療 , 有醫生使用液態氮, 又有 wartner , histofreezer , cryopen 等儀器牌子

醫生收錢海鮮價. 收費 $350 至 $900

政府排起碼等 3個月, 甚至 1 年

唔會傳染!!
你去藥房買d雞眼貼就得架啦!!
唔係好難醫!!