同其他人夾唔到.....好辛苦....點算????

我覺得自己係一個唔係好鐘意講野ge人, 好似講每一句野都好大壓力咁
以前同d唔熟ge人先會咁, 但同身邊ge朋友就無咩所謂, 好似求其講d野出黎就會有人繼續講落去, 個時間唔中都會笑得幾開心, 同埋覺得同佢地好易夾, 有共同ge興趣同話題

個時同佢地一齊真係覺得好開心, 就算自己本身有d咩唔開心, 同佢地傾下就會開心返d

依家都會同佢地一齊去玩, 但係問心個句, 同佢地一齊個時完全冇個種好開心ge 感覺, 同埋開始覺得同佢地已經唔啱channel , 我自己真正鍾意ge野, 身邊ge又冇一個鍾意.....佢地鍾意d我又覺得麻麻冇咩感覺, 俾如佢地依家一日到黑都係到話睇海派甜心點點點咁, 雖然我知道真係有好多好多人睇緊, 集集都追咁, 但係我真係無興趣唔想去睇, 唔想成日都要逼自己做d好唔想做ge野

根住為咗唔想自己好似咁內向, 封閉自己咁, 都會一直逼自己要同佢地出去玩, 要笑多d, 講多d野, 唔想俾佢地覺得我係d可有可無ge人....又好似剩係識得跟大隊咁, 佢地做咩就做咩, 開始覺得好唔開心, 笑緊個陣其實係完全唔想笑, 覺得自己好假, 又好似開始覺得迷失咗自己咁,
講個d野又係自己根本唔想講, 只不過唔想dead air....同佢地一齊去玩又唔係玩得好開心....俾如去唱k咁, 我本身都幾鍾意唱k, 但係每一次都係佢地揀曬d歌, 我就會諗算la咁咪唱個d lo, 但係都係一d都無覺得有開心輕鬆過

仲有依家開始唔識點表逹自己, 覺得將自己心裏面真正ge諗法講出黎會好唔好意思, 又會令人地覺得我好煩咁, 講咗佢地最多咪講幾句"算la"..."開心d la'幾句敷衍說話, 真係冇咩心機講出黎

真係覺得好煩....唔該有冇人講下俾我聽應該點算好...點先可以開心d, 又唔洗違背自己???thx......