睇DVD用2.1有聲.轉5.1就冇聲

單純用電視機喇叭係出唔到5.1音效的.電視本身只有兩個喇叭,其實只可以出到2.0聲音,連超低音嗰0.1聲道都冇辦法單獨出到,會混埋去兩聲道嗰度出.
5.1聲道既意思係5個獨立聲道及一個超低音聲道從唔同位置既喇叭發出(由於唔係全頻,所以叫0.1),做成環繞聲效果.幾個喇叭分別係前左,前右,中置,後左,後右及一個超低音.如果配置既喇叭比呢個數量小都可以,小咗既聲道會用前左及前右出埋.
另外就咁用紅白黃線係傳送唔到5.1的.你必需要配合AV擴音機,用同軸或者光纖等數碼方式接駁,又或者用六條線既模擬方式連接.再用AV擴音機連接足夠喇叭,咁先出得晒5.1聲道的.就算用AV擴音機,如果單單連接紅白線,咁都只可以出到用矩陣解碼(假4.1既Dolby prologic),音效不及真正5.1.
你既情況比較寄怪,5.1音效唔係Dolby Digital就係DTS.DTS冇得向下兼容,冇AV擴音機解碼會完全冇聲,Dolby Digital的話照計會見到冇解碼就自己變翻2.0,唔會出怪聲.你最好睇下你嗰兩條紅白線係咪唔小心駁咗去5.1既模擬解碼度,因為咁樣又用5.1解碼的話中置,後置及超低既聲都會冇晒.
另外就係隻碟要係DVD同埋有做5.1音效先得,VCD,CD等係冇5.1音效的.DVD如果冇做都冇.
最後如果你部電視有甚麼虛擬5.1音效的話就建議唔好用,因為效果通常都好假.

您好， 我推薦您一個網站，一個對手機設備，攝影設備最新產品價格以及產品評測的網站，上面還有很多實用的小技巧，常用知識。

http://www.digital-price.net

希望對您有用