✔ 最佳答案
唉, 我都係喺網上被人呃, 不過我喺係阿里巴巴.
我之前喺阿里巴巴度買貓糧, 佢話90元一包, 5包起批, 我就contact啦, 佢話第一次合作要先收到錢先俾貨我, 咁我就同佢講話我第一次合作, 唔會要咁多, 大家都唔知對方係咩人, 要得多風險大, 所以同佢傾, 佢都話可以先買一包.
我就俾咗一包同運費0既錢, 但係到送貨嗰日, 個貨車司機話我買咗5包貓糧, 俾咗一包0既錢, 仲欠4包0既錢, 叫我即時補返4包0既錢先至送貨.由於嗰時我返緊工, 唔知道, 結果佢哋就走咗. 當晚個sales話佢自己係新人, 剛到公司一個月, 所以唔清楚公司規矩, 佢話一定要至少買5包, 佢幫我落錯單, 仲俾上司鬧, 我要補返4包0既錢先至可以送到貨, 佢都冇辦法.結果我又選多4包唔同0既, 問佢咁樣混批得唔得, 佢話得, 我就補返4包0既錢俾佢.
結果到送貨時, 司機話我有訂咗15包貓糧, 只係俾咗5包, 要再俾多10包0既錢先至可以送貨. 我問咩事, 個司機話個sales係新人, 唔知規矩, 如果批發唔可以混批, 我要咗5款唔同, 公司規矩5款唔同0既要每款至少要買3包, 所以我一共要買15包.
我同佢哋嗌咗好耐, 都冇辦法, 退錢又唔得. 由頭到尾都唔係我0既錯, 係佢哋嗰個所謂0既新人0既問題, 但佢哋就一句公司規矩, 我一係就要俾晒錢先收到貨, 一係就放棄, 俾咗0既所有錢當運費. 所以我就冇再俾錢佢哋了, 因為我唔想一次又一次咁俾人屈錢.
我本來諗過走去佢post喺阿里巴巴上面個公司地址度鬧佢哋, 但係親戚話如果佢哋真係呃人, 我去佢哋地盘, 被人熔咗都唔知, 所以最後就不了了之, 當係破財擋災.
大家都係同病相憐呢, 總之大家喺大陸買嘢都係小心d.