✔ 最佳答案
你好呀！我會考嗰年跟過一個私人嘅中文阿 sir，教得勁好。
同埋對於我嚟講，我覺得私人好過補習社，因為補習社一班有咁多人補，
你有啲咩問題，個老師都唔會知，而你最終又未必解決到，
所以我覺得私人補習嘅好處係個老師可以重點針對你嘅問題而教。
出面啲補習社之所以收得貴同多人補，唔多唔少都係因為羊群心理。
我覺得與其因為補習社嘅名氣而補，不如搵個真係教得好仲實際。
我係喇沙書院嘅畢業生，今年拔尖讀中大精算。
不過唔好意思，我本身冇出去啲補習社補過，
所以如果問我補邊間好我就俾唔到咩意見你。
但係喺我中五嘅時候，
因為如果我想拔尖嘅話，我中文最好要攞到 5*。
但我本身係理科生，所以中文一直都唔係咁好。
但唯獨我作文嗰份卷極其量只係攞到二三等。
因為我擔心中文考唔到 5*，
所以我就搵辦法學作文。
之後我有個同學原來喺中四開始一直跟開呢個阿 sir 學中文，
佢話教得好好，就介紹咗佢阿 sir 俾我。
個阿 sir 好犀利，我諗都冇諗過原來作文係有得學，
仲要可以學到咁多野。
我上第一堂已經覺得個阿 sir 好勁，同埋教得勁好。
最重要係佢每堂都會俾勁多見都未見過、讀都未識讀嘅生字我，
等我唔洗睇書都學到勁多生字。
同埋個阿 sir 係細心到教你喺唔同方面攞高啲分，
例如結構、內容、個人感想、寄望等等。
佢連標點符號都教得好過人，真係超勁。
佢仲會教埋其他卷，又有練習返屋企做，所以我覺得好全面。
我跟咗佢一年，中文真係突飛猛進。
最後我同我朋友都考到 5*，
作文當然都係 5* 啦。
就連我 miss 都冇諗過點解我啲作文進步得咁勁。
個阿 sir 上堂仲會幫我操埋 oral，
佢講野好有 point，
你真係會知道點解平時自己作文同 oral 會咁低分，
原來真係有原因。
所以我 oral 最後都係攞到 5*。
我細佬而家中四都係跟呢個阿 sir，都話佢教得好好。
所以喺呢度介紹俾你，希望可以幫到你。
唔係誇大，我覺得跟咗呢個阿 sir，
就會知道學校啲老師真係唔識教中文，
同埋原來中文真係有咁多野學。
我記得我學咗幾堂，我都忍唔住同阿 sir 如果我早啲識你就好，
因為我讀咗咁多年書，我先明白乜野先叫做「識教人」。
可能你覺得我有啲 hard sell。但好想話俾你聽，
因為冇呢個阿 sir 我都唔可以拔尖入到中大，
所以可能佢影響我好深，而我就會對佢有咁深嘅感受。
呢個阿 sir 本身都有好多名校學生，
佢忙到啲時間都好難就，
所以你要跟佢學就最好盡快喇。
因為佢好似除咗會考之外連中學小學都有教。
有咩問題可以 send email 俾我：
[email protected]
或者我 email 俾阿 sir 個電話你你自己聯絡佢。
我而家都仲有同佢聯絡，因為佢真係好好人!!
順帶一提，阿 sir 會自己整埋 note 俾你，
加上堂堂都有唔同嘅練習做。
既可 keep 到個水準，又唔會覺得辛苦。
想當年個年幾百個新字，因為比佢洗腦之後，
我到今日都仲記得。
不過我認為有時學野真係人夾人，
我覺得佢教得好未必代表你覺得佢教得好，
不過如果你有興趣都可以試吓跟佢學，
大不了覺得唔啱都可以唔跟的。
況且 yahoo 呢度都有咁多老師推介，你到時仲可以慢慢揀。
Anyway，無論你最終揀咗邊間補習社 or 邊個老師，
喺度我都預祝你考試成功同埋早日遇到個啱你嘅老師！！
