相機 的「紅藍線」代表甚麼？

那圖的正確名稱是Histogram.是用來代表相片的光暗分佈的.
由於相機的LCD mon可見度好受環境光影響,例如在陽光下會變得好暗.在暗地方就會變得好光,單靠睇佢判斷相片真正光暗係好容易出錯的.睇Histogram會比較穏陣.Histogram的右面是光位資料,左面是暗位資料.一般相片中冇乜特別好光好暗位的話,中間一個山形咁多數就曝光正確,如果山形偏左,好大機會係曝光不足,要影翻光啲,反之, 如果山形偏右就好大機會係曝光過度.點解話大多數呢?因為畫面唔會一味淨係中間色調的,例如天空係好光的,如果構圖中大部份係天空咁山形就反而應該偏右先啱.所以最終都要靠經驗.
當中要特別留意最左及最右的資料,最左代表全黑,最右代表全白.相片中如果有呢啲位代表冇晒細節,事後就算用軟件調節相片光暗佢都依然係全白或者全黑,唔會出翻啲細節.在拍照時應盡量避免,不過理論還理論,好多時係無法達到的,例如夜景中的燈光就經常都係全白.如果要睇到燈光位細節張相就會太暗.至於類型一既紅藍線同類型二係冇關係的.只代表最左及最右,有好多相機都冇用紅,藍色,直接用白色就算數.
類型二既紅,綠,藍線就係代表組成相片既三原色既光暗分佈,因為有時總亮度冇事,但原來其中一隻色已經爆咗都唔定,例如影紅花明明睇亮度分佈冇事,但原來睇翻紅色線發覺已經貼晒右,咁就代表有紅色位已經冇晒紋,得翻淨紅色.你會發覺類型二依然有個白色山睇到,嗰個就係總亮度,即係類型一.

詳請可以睇以下網頁
http://blog.xuite.net/cybermajor/lightmare/13638903