住宅聽到奇怪機器聲(請教專業意見)謝謝!!!!

我屋企係大廈頂樓落一層,唔知點解成日(係由朝到晚)都聽到一d類似機器咁既低沉"胡胡"聲...而d聲係間歇性,斷斷續續既,有時好大,有時又好細聲.....出過出面lift口走廊都聽到d聲....好肯定唔係自己屋企發出,亦相信唔係鄰居屋企發出既(實在唔似係一般住家會發出既聲...當初以為係某戶既洗衣機聲...但無理由會由朝到晚都響掛)...而我試過推開走廊防煙門,發覺d聲都幾明顯..有d似由上面而來的..但暫時未敢上去探究所以唔確定......請問有無專家可以推斷到究竟係d咩聲來的?..會唔會係頂樓有d機房之類既野係度發聲?...我係咪應該叫管理處搵人check下?佢受唔受理呢?還是搵其他方法?但我好驚攪到好大陣仗影響d鄰居...因為講真隔離鄰舍比我住得耐好多...如果有問題..佢地可能一早查過攪過....樓大廈都有成廿五六年樓齡,一梯八伙,兩伙兩伙咁拼成十字形.....希望大家可以比d專業意見,謝謝!!!!