荃灣去觀塘康寧道一問..

如果你坐 42C(往: 藍田鐵路站) 去到 觀塘道-觀塘市中心 落車~~ 落車向後行(車尾方向)行到街口, 果條就係 康寧道~~
42C服務時間: 05:30~00:20 每5~12分鐘
全程收費: $5.6(非空調)/$8.4(空調)
全程需時: 45分鐘左右~~

如果唔係你可以考慮耐少少但兜晒荃灣既 40(往: 麗港城)~~ 係 如心廣場總站, 大河道(近60號外), 眾安街(千色店對面) 有站上車~~ 去到 觀塘道-觀塘市中心 落車~~ 落車向後行(車尾方向)行到街口, 果條就係 康寧道~~
40服務時間: 05:45~00:20 每12/16分鐘
全程收費: $5.6(非空調)/$7.7(空調)
全程需時: 60分鐘左右~~

雖然最唔建議, 但亦可以坐 港鐵(荃灣線+觀塘線)~~ 於 太子鐵路站 轉車到 觀塘鐵路站 由C2出口出閘, 出閘後一路向前行~~ 過左一個燈位, 一列 小巴/巴士站 再到下一個燈位就係 康寧道~~
全程收費: $8
全程需時: 40分鐘(港鐵)+5分鐘(行)=45分鐘~~

最快最直接，梗係響千色店後面德華街公園公廁前小巴站，搭去觀塘的紅色小巴啦，12.5元，20分鐘左右就到。

單論最快最直接,應該前往 荃灣街市街(賽馬會德華公園外)既小巴站 ,乘搭前往 觀塘 既紅小.

搭至 宜安街總站(終點站) 落車, 向車頭方向行過 通明街 就係 康寧道 .

車費$12.5

不過,以下時間此小巴線將會延長少許,閣下要改係 物華街 落車:

星期一至五及假日09:30-14:00

星期六09:30-12:00

搭42C的話,應該係 "創記之城"站 落車,向車頭方向行, 第一個街口 就係 康寧道 .