啞鈴重量問題、肌肉問題

首先，你今年得 13 歲，要練肌肉是早了點，不建議你太著重練大隻。

因為賀爾蒙分泌，以至身體發育都有固定程序的，13 歲還未輪到肌肉發展，所以你不必過於著眼呢樣野，反正無論你幾努力，都係事倍功半，唔會有好大效果。

到你 16 歲才開始努力練肌肉吧。

言歸正傳：

1.我隻右手過份發達，可以再加多塊1.1kg既，但係隻左手點跟都跟唔上，點算？

左右發展不平衡，最大原因係你鍛鍊時也不平衡。你現在右手已經強過左手，而鍛鍊時還故意增加右邊重量，無疑本末倒置，只會令左右發展更加不平衡。

要改正，你應該左右手使用相同重量的啞鈴，而且要確保整個動作左右平衡，慢慢地就會平衡返了。


2.如果淨係練老鼠仔，我個啞鈴就岩，但係一練胸、腹部果d就好吃力，又點算呢?

只有一個方法，就係繼續練那些唔得的部位，身體就會自然發和追上來。要記住：羅馬不是一天建成的。


3.我做sit-up做左個幾月，要縮肚先見到腹肌==，我一日做100下(放假200下以上)，都係點練都冇，有冇d方法快d？

有些人脂肪比例較高的，就要先做帶氧運動燒脂，才能夠突出腹肌。而且 13 歲多少都有 baby fat，要突出腹肌就更困難了。

還是那句老說話：慢慢鍛鍊，無得急的，也不要找快捷的方法。


4.我已經係咁游水，d fd話我個胸已經好大，但係又學唔到我老豆咁係到震波，點練先震到？

要學識震波，唔係話增大胸肌就得的，必須要靠做負重運動 (例如舉啞鈴) 至得；相反，游水係帶氧運動，對肌肉刺激不足，只靠游水的話，好難可以震波。

你舉啞鈴舉得好的話，過程中自然就會領悟到如何控制胸肌，也能夠震波了，呢樣野要自己慢慢領悟出來，旁人無得教的。


順帶一提：身高是天生的，而且遺傳佔主要因，所以你家族都會偏向矮小的。

你父親有 165cm 的話，做兒子的幾乎肯定能超過這高度的，例如 170cm，都唔算好矮啦，不用擔心。

另一方面，上天好公平的，雖然家族唔高，但容易大隻，這也是一種恩賜，好好朝這方面發展吧，擁有健碩身材，一樣能令女士傾慕，男士羨慕 -- 不過都係個句：過多幾年先啦，13 歲還未是練大隻的時候。