✔ 最佳答案
若果想見識、學費和生活費平既話就去美國做交流生啦﹗(一年包食宿、來回機票及保險醫療費都係約7萬幾蚊港幣咋)入讀當地既公立中學,當地既住宿家庭會招待你,功課進度亦由佢地幫你。你既英文肯定會進步,因為日日講嘛。
入學資格﹕15歲至18歲半
校內成績有三科合格
好處是可以讀完後立即報考當地既大學或者海外其他既大學,唔駛繼續升上中六。節省左一年既時間。
其實英國亦有平既中學入讀,即係公立中學。(一年約13萬-14萬包食宿)
但必須經代理或者有親戚係當地幫你搞,其實公立中學既學費是好平架。不過一般外來人係冇途徑入讀呢點中學。因為海外既公立中學好少收留學生架。我記得有間代理係專搞入讀英國公立中學,不過唔好意思…我唔記得係邊間?
注意﹕公立中學跟私立中學既質素好參差,由於私立中學既學費係超高,所以一般既質素自然高過公立中學。但有一點公立中學既質素都唔會太差,可以放心入讀。
半工讀?唔好呀,人地唔會發工作証比你架。而且重要係會影响到自己既精神去返學。
想半工讀既話,就讀酒店管理啦﹗不過都要你夠17歲才有得傾。因為讀酒店全部都有半工讀,包食宿。例如﹕瑞士、澳州、紐西蘭、夏威夷、愛爾蘭以及新加坡。其中以愛爾蘭既學費係最便宜亦超過40幾個國家認可,但頭一年既學費必須要大約18萬至20萬,之後第二年就開始只係約4萬左右即。工資約16000蚊一個月。好處是當你發覺自己冇興趣繼續讀酒店時就可以等派位,讀過其他學系。讀酒店頭兩年都有得實習、有工資拎但到第三年開始就冇,而且不算學位只係可以拿到文憑咋。當然你繼續升上第三年及第四年就可以有學位拎啦﹗
新加坡雖然只係大約10萬一年,但個人認為不太值得去讀。因為返嚟香港冇乜用。
其餘既都係超貴,尤其是瑞士,點報章成日話平,你唔好信佢,扼人架。起碼要25萬一年。