第一次戴月con 要點清潔??

你好!我叫winnie!我用cons已經用左15-16年喇!回想當時第一次帶con咩都唔識,擺左好多烏龍!又唔知問邊個好!我唔想你好似我當年咁無助,so想比少少意見你作參考!
由於我打中文慢,所以會又中又英,希望唔好介意!
首先我想先講左我d反面教材你知,然後再答你問題吧!我諗好多人睇完之後都會鬧我好離譜!
我係一個好有問題好唔正常嘅人,唔好誤會,唔係精神病,係懶人病姐!
或者先簡略咁講講我歷史先,中學時,已有散光加近視,嗰陣貪靚,寧睇唔清楚都唔帶願戴眼鏡!而屋企又思想守舊唔比,所以我偷偷地配左人生第一副con!由於資金有限!所以只配左得近視嘅con(散光好貴)
出嚟做野!有時放工返到屋企已攰到涼都唔沖就撻落床!由於太懶同太攰嘅(你唔會想像到有幾懶),而養成左永遠唔除cons嘅習慣!可以成9個月都未曾除過(冇呃你)!而呢個習慣維持左7-8年!到依家都係!除非跌左!
基於呢個原因,我就由普通con轉為每日拋棄形,由於散光太深,未出到我呢個度數,唯有用2星期拋棄形!但我依然都係唔除,因唔捨得兩星期換一對,太貴!往往起碼兩個幾月先換!
而後果就係我對眼唔知點解變到越來越突!每當焦點停留於一個點上約5-6秒,右邊眼珠就會變歪,有點似智障人士嗰種眼,唔知點形容!總之就千祈唔好學我!

(1) 正確配戴隱形眼鏡之步驟—足本指引
- 洗手,取出con,用眼藥水擠向con,好似擠洗潔精咁,利用擠出嚟嘅衝力去沖洗con之兩面,雖浸之前已清洗過,但浸左成晚,可能會有肉眼睇唔到嘅浮游物,so配戴前都”啡”一啡副cons!
- 臨訓前,先洗手,然後用水喉水洗個cons盒!攞乾淨抺手紙(廚房用嗰種萬用紙)抺乾個盒,唔用紙巾係怕有毛粒,大部份眼鏡鋪叫你洗手試戴,都會提供嗰啲紙比你抺手!
- 再用眼藥水”啡”一啡個盒,之後再擠d藥水於盒中,份量必須浸過到整副con!
- 將con除出並放於掌心!然後擠d藥水,輕輕力順時針方向大約摔廿下!跟手再將之反轉,摔第二面!
- 用眼藥水擠向con,借助擠嗰下嘅衝力去沖洗con上之污跡!完成後放入眼鏡盒!再到另一隻眼,同樣做法!
- 而浸旦白,通常兩星期一次!係一粒藥丸仔嚟!首先跟返以上除con之步驟,然後就每邊各放一粒藥丸,約浸12小時!
- 準備新cons盒!又係清水洗完再抺乾然後再加入藥水,放埋一面備用!
- 先取其中一面con放於掌心,擠眼藥水,輕力摔廿下!再將之反轉摔第二面!之後用眼藥水擠向con,咁就可以放入新盒中!然後到另一隻!
- 最後將舊盒嘅旦白水倒左去!再轍底清洗con 盒便可! FINISH!
(2) 注意事項
a)最重要心態係,唔好怕浪費眼藥水,一定大力擠,利用衝力去沖洗乾淨所有用品,你可屈佢送多幾支比你,also攞多幾個cons盒替換!
b)你問唔係日日戴,可否唔換藥水一直浸,基本上都冇問題,但戴之前要洗乾淨!不過都係嗰句,唔好怕浪費!最好就係每日都換,但就唔駛摔,因有視光師同我講過,唔記得左咩氧化定唔知咩問題,總之啲唔可以太耐唔換,at least3日好換一次!
c)至於你提到有連埋旦白功能嘅2合1眼藥水!還須額外浸旦白嗎?基本上唔駛用都得!不過我睇法係,又打個比喻!有冇聽過salon啲髮型師講2合1洗頭水係唔好,so好多salon都仲係分開洗頭水還洗頭水,謢髮素還謢髮素咁!我咁講並非話二合一唔好用,但隨每個人觀點唔同!懶咪唔須要囉!但有d人可能會揸得好正,所以都要話返你知有咁情況!但我個人認為,懶得就懶,梗係唔駛啦!哈哈!
d)盡量唔好留手指甲,第一,難攞易整爛,可能會話用個夾,但你都要摔家嘛!加上又要洗多樣工具!呢個唔係懶問題,既然係咪都要用手嚟帶,咁一定會將手洗得好乾淨!!因為整多樣工具,又會多一個細菌感染機會!up to you,若你保證乾淨的話亦冇所屬啦!
e)每日唔建議配戴超過8小時以上!一星期,最多配帶五日,另外兩日就戴有框眼鏡!但若然你問係咪要跟咁足呢,如果唔跟足或偶然一次半次跟唔足,會唔會即時有問題呢?
其實就唔會有啲咩!對眼可能會好乾,因為太乾引致副con脫落而已!或者我咁講啦!eg刷牙,咁係咪一定要早晚刷,刷幾耐呢?有時夜晚食完宵夜唔記得刷,但一次半次姐!咁會唔會蛀牙或即時會牙痛呢?咁當然唔會啦!最多咪口臭!but長期係咁就會點呢,應該唔駛我講啦!其實同戴con道理係一模一樣!
f)無論咩類型嘅con清潔步驟都一樣!兩星期或一個月都一樣!
g)

2010-02-25 07:44:15 補充：
補充(I)
g)每個帶con嘅人,隨身都會有支眼藥水,當感覺眼澀就滴兩滴!不過好似唔可以用v老篤等牌子,一定要買d專門比con用嘅眼藥水,我朋友用嘅係樽身透明紅色字嘅,佢話唔錯!不過我就基乎冇買過冇用過!因聽聞係會越滴越乾,而我亦親身証實過,唔知係咪心理作用,總之就唔覺好得去邊,怪不得我朋友隔30分鐘就滴一次啦!眼澀解決辦法就係除,不過廿幾三十蚊一支的話,買定傍身都可以嘅!

2010-02-25 07:44:27 補充：
補充(II)
大致上暫時係咁多,一般基本資料同要注意事項都齊晒吧!希望你睇完之後,唔會再好似依家咁担心,其實只要保持乾淨就ok!冇咩特別須要去注意!
見你問題就到期,若之後突然醒起有野要問的話,可隨時電郵比我,我會盡我能力去幫你!希望以上資料,可消除晒你對隱形眼鏡之疑問啦!
Email address : [email protected]

2010-02-25 07:44:45 補充：
補充(III)
眼鏡盒弦機
一般眼鏡盒蓋上都有寫上R & L! 嗱,新款嘅我唔清楚,但舊款就往往只得個蓋有顏色,但個兜身就冇,就算你放啱位置但蓋錯蓋點算呢?有啲什至咩色都冇!好易掉亂,點可以避免呢?
或者細心留意下,其實個兜正面睇係有弧度,放於枱上向下望,會發現L&R之間嘅頂部係呈彩虹狀咁!而下面(L&R中間)係凹陷!彩虹邊就向上,咁就唔怕攪亂!

. 你所講的清潔程序是可以的, 基本上那是多功能藥水的清潔方法. 個人認為, 最好使用隠形眼鏡專用清潔液捽鏡, 再用生理鹽水或多功能藥水沖洗, 然後再用多功能藥水浸鏡.
2. 洗 con 水即是隠形眼鏡專用清潔液, 是嗎? 眼鏡舖應該會平 d, 同埋品牌會多 d. 如果一定要在萬寧購買, 你到附近的一間看看便知道有什麼牌子啦.
3. 浸 con 水即是多功能藥水, 或者浸鏡雙氧水, 是嗎? 眼鏡舖應該會平 d, 同埋品牌會多 d. 如果一定要在萬寧購買, 你到附近的一間看看便知道有什麼牌子啦.
4. 首先, 不要以洗 con 水和浸 con 水來稱呼這些藥水, 因為實在太混淆. 市面上出售的多功能藥水, 有殺菌效能, 可以洗 con 又可以浸 con, 但沒有捽鏡來浸 con, 殺菌效能未如理想; 生理鹽水沒有殺菌效能, 只可以用來沖 con, 但不可以只用作洗 con, 日常只用作捽鏡清潔後, 沖走清潔液, 以及戴鏡前用用作沖走浸鏡藥水; 隠形眼鏡專用清潔液, 除了用作捽鏡殺菌洗 con, 不能用作浸 con; 雙氧水隠形眼鏡藥水, 殺菌效能是首選, 可以用作捽鏡洗 con, 又可以以用作浸 con (要使用中和藥丸或中和環), 但必需要浸鏡 4-6 小時

1. 係咪每日戴完con 捽下佢 再用con水浸住就得?

係架...不過如果有d con水係免捽的^v^你睇番自己枝con水係邊隻囉..

2. 如果唔係日日戴 咁洗唔洗定期換下浸緊con個d con水 直到要戴?

如果唔用個陣對con就可以浸住1個月,如果要戴個陣就要換過哂d新con水.

3. 上網search見到話除左要用con水浸 仲要每星期用除蛋白水洗con 但我支con水已經有protein remove ge function 咁仲要唔要除蛋白水?

你個支有左呢個function就唔洗再買架啦~