✔ 最佳答案
你想用牛皮膠紙黐起步操鞋D力架,呢D叫妄想,不過證明你識轉動腦筋,係一個食腦既人。
一般裝修師傅都會用起漆水對付木器或鐵器上面果D唔想要既力架,用油掃搽D起漆水喺力架度,等幾分鐘,「乸」到D力架巢皮,就可以用漆摌摌走D力架, 有時要搽兩次起漆水至可以摌得清D力架,當然你唔可以用漆摌對付步操鞋,或者試吓用擦衫既膠擦或銅絲刷或者纖維硬度較低既百潔布。
起漆水有好強腐蝕性,擰開個蓋之後仲有一個冚要用薄身一字羅絲批或漆摌撬開佢,做呢個動作時要小心。
如果擔心起漆水「乸」爛步操鞋,可用性質相對溫和既天拿水嚟抺起D力架,最好唔好用支裝天拿水而用駱駝或長頸罐裝好力D既天拿水。不過要重複抺好多好多次,呢個方法比較適合佛教徒,因為佢哋己經習慣咗重複唸好多好多次佛經。
2010-02-18 13:49:16 補充:
用天拿水當然冇咁容易,唔係點解我會話要重複抺好多好多次,好多好多次即係起碼幾百次咁解,仲要次次都要有天拿水到。你試吓先用綿花沾咗天拿水放喺鞋面,天拿水乾咗一大半又加D天拿水,重複十幾次即係半個鐘頭之後再用天拿水抺,就會事半功倍,天拿水溝入未乾既力架好容易,但係溶解己經乾透既力架就需要一段頗長時間,唔係即開即溶,你估沖杯咖啡咁簡單,你抺唔到係因為未俾足夠時間佢溶解力架,我哋裝修師傅用天拿水浸軟用過既力架排筆都要半粒鐘,你了解佢哋既特性、知道咗原因就好容易對付佢哋。
2010-02-19 20:47:09 補充:
你用乜嘢嚟乸?要用例如T's off呢d起漆水乸至會巢板,天拿水係唔會巢皮架,只會令力架變軟。
2010-02-20 07:30:45 補充:
巢板係揀錯字,因為倉頡打「木竹水」就會有皮同板兩個字出,其實係想講巢皮。
啱吖,裝修師傅都係用Malay出既T's off,你係咪用油掃嚟搽?可能你搽得太薄,試吓搽厚D睇睇,用起漆水唔需要乸好耐,步操鞋我當然未試過,但係一般木器鐵器三幾分鐘就已經開始巢皮,你搽兩浸起漆水試吓,要厚D,唔好搽咁薄,就算未巢皮,俾T's off 乸過既力架應該己經鬆軟,可以試吓用嘢擦走佢,或者打「棟」揸住漆摌嚟刮D力架試試。
2010-02-20 20:59:35 補充:
你有冇睇清楚我寫既嘢?「當然你唔可以用漆摌對付步操鞋,或者試吓用擦衫既膠擦或銅絲刷或者纖維硬度較低既百潔布。」
反正你對鞋都殘哂,你不如用黑色箱頭筆劃黑哂對鞋再打蠟啦。