✔ 最佳答案
其實真係好難講一個星期會有幾多個鐘, 一般黎講一個月就會飛大約60個小時左右~~ 而每星期飛幾多就好睇航空公司安排~~
而飛幾耐亦都睇你飛咩航班, 好似長途 香港-倫敦 咁佢地飛完13個小時到倫敦會休息4日, 之後再飛返香港又休息4日咁~~ 好似好多時間咁, 但咁樣一飛你9日內已經飛左30小時(因為時間由 Report Duty 開始計)~~ 而如果你飛 香港-新加坡 咁好多時航空公司都會安排即日來回, 咁就已經做左9~10小時, 返到就休息2日左右~~
所以真係好難講幾耐有假期, 因為會因應航空公司航班安排而有所唔同~~ 而且有唔少航空公司安排既 半假期, 就係你要留係屋企 Stand-by 睇佢有冇需要搵你~~ 一搵你就要120分鐘內入到機場, 如果去到尾都無就 off~~ 基本上呢類 Stand-by 你做咩都得, 總之120分鐘內返到機場就可以~~