氣管敏感？哮喘？支氣管炎？

我不嬲有鼻敏感，但未試過因為鼻敏感／鼻水倒流而咳超過一星期，上年11月中開始咳得好西利，但冇啖。個時有睇醫生，醫生話有少少氣管敏感，比左D藥我食，一開始止到少少咳，但過左2日，發覺D藥唔止完全冇用，透氣個時氣管個D「hehe」聲比之前大聲左，D啖咳極都仲有，夜晚咳到要坐一陣先好返D，於是去藥房買咳藥水食，就冇再食醫生D藥。
幾日之後我媽去醫院拎藥順便幫我拎左支「馬料」返黎，又係一開始止到咳，但後來又冇用，而且仲嚴重過之前，唔止透氣有「hehe」聲，夜晚咳到訓唔到之餘仲會咳到嘔水，D啖痴住喉嚨，用力咳都咳唔到出黎，連日抖返學都會咳唔停，頻率大概係每講4隻字咳半分鍾= =|||||..有去睇醫生，佢仍然都係個句「有少少氣管敏感啵你～」，我都有同佢講，上次開D藥止唔到咳，食左幾次就冇用，但佢依然開返同一隻咳藥水比我，只不過呢次D止痛藥唔同左顏色= =返到屋企食藥，D藥又係完全冇用，之後就冇再食。
到左前幾個星期，D咳慢慢好返D，雖然仲係有咳，但D啖都已經咳到出黎，個鼻都冇咁痕，以為就快好返，所以冇再去睇醫生，但係呢幾日開始又咳，今日大年初一咳到想訓都訓唔到，唔好話診所，連藥房都冇開…唔通要等到初七先睇到醫生？！等到初七都咳到個肺都嘔埋出黎喇…
依家想去屈神屎／萬0買藥食，但係又唔知自己咩事，想買都唔知買咩藥…