BB仔食大人嘢會唔會太多鹽?

其實bb 有1歲都可以食得大人反架啦 ! 小朋友通常都係見人食咩, 佢就要食咩架啦 ! 所以, 佢e+ 鍾意食大人反囉 !
至於調味方面, 自己屋企煮當然最好少鹽少油, 記住唔好俾慣佢撈汁食反呀 ! 因為bb 其實好鍾意食有味既野, 如果你俾過一次俾佢撈汁食反, 之後佢會次次要咁樣先肯食反架啦 !
另外, 最好煮野唔好用炸或煎既方法, 最好用蒸或焗. 以下有少少建議俾你, 希望幫到你啦 !
1) 切記唔好俾bb 撈汁食反

2) 煮野少鹽少油, 少炸少煎, 多d 用蒸, 煮或焗既方法
3) 多俾bb 食菜, 豆類及魚類, 少比例既肉類便可, 唔好俾太多肉俾bb 食

4) 如果bb 肯飲湯的話, 更可多d 俾湯俾bb 飲, 不過, 咩湯就要小心選擇啦. 一般最好選擇係 : 青紅羅白湯 & 魚湯. 因為魚係最有益架, 不過記住唔好太重味, 如果唔係, bb 會唔肯飲其他較淡既野架

5) 仲有就係, 可以o係俾反仔佢食既時候, 順便開始慢慢教bb 自己用匙根食野, 開頭一定食到周圍係架啦. 慢慢就會好d 架啦. 另外, 記住d 野食要剪細d 呀 !

6) 我唔知你地兩夫婦飲食習慣係點, 不過其實最好你地o係呢個時候同bb 有一樣既習慣, 如果以上唔係你地既習慣, 就要由而家開始習慣啦 !
因為bb 好醒架, 見你食咩佢一定唔執輸架. 所以你地既身教係好重要架 !

7) 最後係盡量唔好習慣佢咁快食糖及其他零食. 不過, 面包及餅乾就無問題

8) 記得要間中俾d 涼茶佢飲, bb 一般飲開奶茶都ok 架啦, 因為bb 都好容易熱氣架
希望少少要點能幫到你, 再有問題可email 俾我

我個仔細個同宜家個女都有試過,佢地見大人食得就會想試吓!
我本身食野比較清淡,自己煮會少鹽少油(海鹽,欖油),同用天然食物做調味,
例如蕃茄蘿蔔本身有甜味就唔駛加糖,沙孟魚半煎煮亦已經好夠味,
所以我同個女食飯都冇問題!
不過出街食就要注意,因為好多鋪頭都會有落味精既壞習慣,
當遇著呢d情況我都會另外買個切雞飯走色俾個女食!
又或者嗌碟清蒸魚鼓油另上,話聲係俾bb食,d伙計都會肯幫你做既!
其實唔好話bb啦,大人食太多調味都對身體唔好!
如果你地都係食慣濃味,不如就襯宜家過變返個飲食習慣啦!

我個b仔都係咁

如果出街吃飯，佢又好想食，我會先用水洗下d食物自俾佢食

等d食物無咁咸同多油嘛

另外盡量俾米粉、河粉、包包佢食囉，健康d嘛