我今年犯太歲

1. 我屬豬，今年犯太歲可以點樣化解？
屬豬的人，今年與太歲是最合的一年，是寅亥六合，太歲不一定是衰的，只代表轉變大？看你接得好唔好而已，如住屋環境有變，可以係大屋搬細屋，但也可以係細屋搬大屋的啊，status有異，可以是離婚，但也可以是結婚的啊；屬豬的人在庚寅年身體方面水氣重，容易產生疾病和受騙破財，化截金水之局需要佈木局，以水生木而金剋木使得金水氣弱，木弱之最旺星就是卯兔，所以屬豬的人佩帶兔形之吉祥物可保庚寅年吉祥平安，健康無憂。

2. 今年武昌位係邊，可以點樣整旺佢？
今年六白武曲星在正東方（唔係叫武昌星），催旺方法：可在正東方放置流水擺設，白水晶球七星陣，和八粒黃玉扣；另此星五行屬金，因金忌火，因此正東方不宜放置火或發熱的物品、電器、紅或橙色物品等。
武昌（曲）同一D武術既野有冇關係
武曲是代表武職的財星，今年如家中有成員從事軍政界、紀律部隊、技術人員、運動員或體力勞動等工作，可利用六白(武曲星)催旺事業運。

3. 今年文昌位係唔係正北，係既話可以點樣整旺佢？
可在此方放4枝水種文昌竹、或掛上4枝文昌筆、或用一杯水放入4枝白水晶；另因2010年的三煞位亦在北方，因此需要多放三支黑曜石柱來化解。

另外，另一答題者好像對風水有些誤解，回應如下：

如果風水師能令你有$的話？咁風水師自己都有$啦，仲做風水師有咩用？
其實一個人一生可食幾多，著幾多，有幾多財帛，係視乎你前世今生積落幾多福報而定的，正所謂：一命、二運、三才輪到風水而已，而佈風水，舉個例就像幫你安裝一部櫃員機，方便唔使你去銀行排隊攞錢而已，但如果你的戶口（命）係根本沒有存款的話，就是給了你一部櫃員機都好，無論就算你點㩒都唔會㩒出錢來的，佈風水並唔係無中生有的變些錢出來的啊，明唔明？至於咁風水師自己都有$啦的問題，那你有冇聽過「賣花姑娘插竹枝」吖？我知道有些玄學門派是三戒揀其一的，一是要穿破衣、二是不留隔夜錢、三是今生無子嗣，我就識得一高人，幫人睇風水收得好貴的，但佢明知自己用唔到咁多，所以次次左手收支票，右手就捐了去做慈善的了，自己就日日同屋企人三送一湯囉，當然，唔係個個都係咁，有人挖窿挖到億億聲添！

風水師如果隨便就在網上說風水，那何有$找？
在這平台上回應的，當然唔係收錢的甚麼專業人士啦，回應的多是些對風水玄學有著興趣與熱誠的網民，當遇有其他網民有問題時，而自己在這方面正好有些知識可分享的話，咪無私分享囉，做人唔係乜都講 $ 的，咁好銅臭唶，當然，這些業餘的意見聽過參考參考就好。

我的話可能令你會話我.
但如果風水師能令你有.$的話,
咁風水師自己都有.$啦,仲做風水師有咩用,

其次風水師如果隨便就在網上說風水,
那何有.$找,

再者,風水師是准的話,
如.今年屬豬會發達.
D人咩都唔做,有可能發達嗎..

請相信自己多一點,風水只能幫你+信心,而不能令一朝得夕.