急急急........唔知係唔係有左..??

✔ 最佳答案

HELLO!你好!
其實你可以睇返我record!對於呢啲問題已答過好多篇!由於本人亦曾經好似你咁,好多問題都唔清楚,事後又好驚青,聽埋好多坊間傳聞,亦捜集過好多資料,但隨住年紀同經驗日漸增長,所以對呢方面嘅知識多左了解,加上曾經中過招,之後我請教過幾位醫生,希望以下資料可以幫到你!
開始前,想講聲我打中文好慢,所以以下內容會又中又英,希望唔好介意!

(1)首先你冷靜少少唔好緊張住!之前你有冇試過流啲啡啡地嘅野出嚟?而你今次幾時發現有呢啲野流出?依家停左未?
(2)我覺得冇可能有左!其實你個情況好簡單!你話你於1-FEB有過性行為,but你於前幾日有m嚟過,雖則唔知你幾時,假設你15-FEB嚟,如果你1號真係中招,咁你15-FEB都唔會有m啦!就呢點已可100%証明你並冇懷孕!
(3)另外,我就冇聽過有假m呢樣野,或許我孤陋寡聞啦!點都好啦!我見你對呢方面`好似有好多誤解同唔認識!從你所問嘅問題當中,我覺得你好似以前細個嘅我咁!好多都唔知,好担心好驚好騰鷄!又唔知問邊個好!點知真係中招喇!so我好想幫你!希望你唔好覺得我多事!或許我可以提供啲資料比你!我當然唔係指性行為啦!主要都係一啲有關女性生理心理等問題而已!等你多啲了解!雖則我都係半桶水,但盡我所能將我所識嘅講你知!
(4)老實講,之前有個女仔問嘅問題都差不多,佢又係唔多了解,只係聽左好多坊間傳聞,其實好多都係假係冇根據嘅!(嗰陣我中招,之後做手術,嗰陣睇左好多個醫生,詢問過好多意見,掙扎左好耐,就係咁,令我對呢方面嘅知識&了解都加深左)
(5)其實我想知咩叫假m,你喺邊度聽返嚟!hey!我唔係話你唔啱!只係我真係唔認識!可能根本有呢樣野!其實係咪等於惡露呢?
(6)講返你啦!其實我覺得呢次只係你心理作用而已,你要知道,如果有bb就唔會有m到, so於性行為後,嚟得m,就一定冇事!其實你係咪有諗過,嗰啲啡色野會唔會係bb呢?我好肯定咁話你知冇可能!首先,事後丸並非用嚟殺bb!只係防止卵子愛精而已,若真係小產,一定唔會係啡色,肯定紅色,兼且你個肚一定痛到痴肺!因為嗰陣我做完手術,正常一個月後再嚟m,但我遲遲未到,於是咪打催經針!但好死唔死,期間又同男友sex,最初,我地諗住咁耐唔嚟會否又中!加上我又打催經針,到我真係嚟m,我唔知係小產或m到!直到家庭醫生話:一定m,否則你冇可能行到落嚟睇我(肚會好痛)!但至於點啡色物體又點解釋呢?我諗會唔會你地嗰次激烈得滯呢!嗱嗱嗱,呢點唔肯定,純粹猜測而已!
(7)其實,之前有個女仔問我!佢話做完之後,下面小腹有D痺痛感覺呀,條腰又痛,都唔知點解會咁,會否係懷孕先兆,但由於佢係安全期,加上最後冇完事,只用手解決,但依然好担憂!之後我話佢知,唔好信坊間傳聞,例如話咩當完事後,若然女方發覺腹部感不適或事後沖涼,清洗陰道時,花灑不應向內沖,否則會把精液沖入陰道內而流入子宮等又或完事後不能平躺,要戙高對腳等就不會懷孕..等種種都唔啱,唔好信!腰痛純粹可能太激烈而引致,即男方可能於抽插時,過度大力撞擊以令你產生興奮感,因而令子宮收縮才引致你有這樣感覺,本人亦試過,發現每當性行為過於激烈時,於小腹子宮位附近,感覺到個子宮好似被人扭毛巾般,而下盤附近之位置亦會有點繃緊狀態!雖則無論男性生植器官多長,都冇可能touch到女性子宮!但衝擊力都會對子宮有影響令子宮有反應!
基於以上情況,可能將你殘留之m流埋出嚟吧!但我真唔敢肯定!由於我發覺每次發生性行為後,打後嗰兩日都會有好多白帶,可能你嗰啲都係白帶嚟,只因你啱啱嚟完經,so就會咁嘅色!點都好啦!你m都已嚟左,都唔駛太担心!下次唔好滯,唔好博!
(8)另外射精問題,發覺有個通病!經常認為體外射就冇問題!唔可以咁諗!射左幾多,無論於陰道盡頭抑或陰道門口射,中招機會率亦都一樣,so喺咁多種避孕方法裏面,係冇體外射精呢一項,只係坊間見議!多位婦科醫生,佢地解釋係:因為你唔可以肯定,男方會否真係喺射嗰刻,保證趕得切完全拔出,就算男方保證,都唔好咁做,因為喺將近射之前都會有些分泌物,So就算佢保證趕得切,都有機會中,你唔好用呢種方法避孕!
(9)講開避孕,晤…,唔知你幾多歲,就算係學生都好,我都覺得要做!或者其他人會覺得我,好似教壞你咁(若你真係學生)!但我覺得既然阻止唔到呢種事情發生,倒不如鼓勵你去避孕好過!每次到最後我都會講以下呢返說話 :

2010-02-22 11:06:36 補充：
補充(1) :
與其每次膽驚受怕,倒不如做好避孕措施!其實家陣有好多避孕方法都好簡單好方便,而避孕並唔係剩係屬於男性責任,女性亦須担此重任,而方法亦比男性多!尤其有時情到濃時會情不自禁,好難控制!臨急臨忙,男方亦未必會有準備!有時,可能隔住個安全套,感覺始終會差啲!我所指嘅係,無論心理或生理上,始終會唔夠完全同唔夠親密!同埋唔駛担心,依家啲避孕藥或針,都唔會有太多副作用,唔會變肥,加上真係好方便又多選擇!anyways你想知道嘅,可隨時電郵比我!

2010-02-22 11:07:31 補充：
補充(2) :
其實做女仔真係要識得保護自己個身體!我見過好多靚妹仔態度係,有咪落囉,叫條仔比錢之嘛!後生世女點會傷身姐,咪普通手術一個!萬一真係落得多而將來冇得生咪算囉!唉…!只要做少少嘢,就可減低個機會率(冇100%嘅避孕方法,除結扎外),點解唔去做呢,錢銀身體事少,良心責備事大!
at last,希望你唔覺得我好煩好長氣!其實我都唔係為貪你啲分,最重要係想幫到你姐,而我profile都有寫,so唔再喺度講喇! Anyways若然你日後有咩問題,你唔清楚又担心的話,你可隨時電郵比我,我會盡量去幫你!okay?
電郵 : [email protected]

winnie

急急急........唔知係唔係有左..??

回答 (2)