應唔應該繼續係英國讀書

halo, 我係英國讀緊書, 希望幫到你丫=]

1) 我應該繼續係英國讀書嗎,因為上堂時好多都聽唔明,怕浪費爸爸媽媽D錢

係叫你唔好讀之前, 問你一樣野, 如果你而家唔讀上去, 因為聽唔明d 英文, 咁你番到hk, 仲有d咩可以做呢? 如果你英文唔好, 你係hkale 都會會考得唔好, 如果你英文都係唔好, 出黎做野, 都冇人請, 既然你既同學係聽到既, 你冇理由唔得既, 你只係黎左一陣, 未慣, 都係正常.. 我果時, 都要一個term 先敢去講..其實講英文唔難, 肯去講, 就好得了, 如果你怕佢, 咁點得呢.. 而且呢, 好多hk人, 去到大學, 都係會入番chi soc, 唔好出去clubbing 太多了, 讀一讀書啦, 冇野會難既.. 係睇你俾唔俾時間入去既.."

2 如果我想返香港讀 我要D咩條件先可以返香港讀 讀到大學呢?

hk 既大學, 係唔收英國/其他國家既foundation student transfer 既, 所以呢, 如果你而家番去apply hk既大學, 係唔會收的.. 所以呢, suggest 你讀埋個foundation 佢, 升到year 1, 係year 2升考慮transfer, 再唔係, 就係而家唔好讀, 番番hk, 讀ive 果一d course, 再上hk 既大學.. 不過講真丫, 黎英國, 真係會比係hk relax 多了, 而且你屋企又俾左錢, 都想你讀好佢, 而家你咁樣番hk, 我覺得, 你屋企人, 一定會好唔開心, 加油啦.. 我而家都讀緊大學, 都明大學既workload 好大既.. 咁多hk人黎uk讀書都得, 你冇理由唔掂既.

希望幫到你丫, 有d咩可以再email我的=]

其實好多大學都有 Language Support, 你去學校 Office 度問下啦~~ 如果係驚浪費的話就去努力D.. 好多 Language Support 都係唔洗加錢嫁... 佢地會幫你, 例如當你要做 Essay 既時候佢地會叫你早少少交俾佢地睇先, 然後會同你講邊度有問題... 如果你D英文真係好唔掂... 有時佢地會成功幫你同學校講, 然後你可能可以有 Extra Time 去做你份 Essay. 而上堂唔明呢個問題, 可以用錄音或錄影, 我一直都係咁做... 上 Lecture 既時候錄底 Lecture 既內容, 然後返到屋企就 re-play 一次兩次, 當中有咩唔明就問下同學或用字典... 希望幫到你個 Q1... Q2 我就幫你唔到啦... Sorry