專業會計師資格

因為會計師係專業, 所以一定要有考試去篩選合適的人. 香港做會計師通常考QP或者ACCA, 多數會選擇考QP. QP係要你有大學會計系學歷、大學其他學系學歷加完成轉制課程, 或者完成PBE考試才可以讀.
QP要讀四個Modules, 加一個大考. 每個module都要上workshop及考試. Workshop係要上堂及答問題. 大考係考四個modules的內容, 上下午各考3小時. 考試是Open book. Open book唔好太開心, 因為open book既考卷通常係難, 而且有人話過而加考試係就咁抄書本內容去考, 變左唔肯去背一D寫得靚既句子, 語文能力變相下降. QP要去HKICPA報名.
ACCA有14份卷, 視乎學歷最多可以豁免9份, 考試係Closed book. ACCA報名資訊可以上ACCA網頁睇.
QP及ACCA同樣要計工作經驗, QP係要3-5年經督導的認可工作經驗, 只會認可有僱主簽做夠最少一年的全職經驗. ACCA好似係3年, 認可兼職經驗.
考ACCA或QP視乎自己需要. 如果你想將來係外國長期工作, 我會建議考ACCA, 因為ACCA係國際認可. 如果你只係想起香港做(當然唔會365日都係香港做, 你間唔中都要去其他國家工作), 我會建議考QP. 而家香港人考QP係大勢所趨, 而家仲有人識ACCA, 特別是老一代, 因為以前只係可以考ACCA做會計師, 但好難擔保幾年後會變成點. 而且仲有一個幾重要, 如果你係ACCA會員但想做HKICPA會員, 就要符合8個條件. 讀QP可以免考執業證書, 但考其他考試要考.
無論如何, 我會建議你比心機讀書讀番個大學學位, 之後再考會計師試. 大學畢業條路已經算出路最多及最直接. 大型會計師樓請畢業生一定要大學學歷, 中型會計師樓多數亦如是, 一部分細會計師樓請人要會計高級文憑學歷, 甚至有大學學歷去做. 因為大型及中型會計師樓工作工時長、壓力好大、福利唔係話好好, 所以流失率好高, 有D人考到牌之後會去私人機構或政府部門工作, 多數大公司要求大學學歷, 甚至要求有幾年大會計師樓經驗. 就算政府工都係爭崩頭, 多數會選擇做稅務局、審計處及庫務局, 但都有唔少做過大會計師樓的人同你爭.
坊間亦有好多會計文憑、高級文憑、副學士及專業考試, 但係當係升唔到中六或者大學先去考慮.
最後, 我唔知你有乜原因驅使你想做會計師. 我唔希望你因為對會計有錯誤見解而對會計有興建, 讀錯書入錯行問題大.

2010-02-11 07:29:52 補充：
更正: 興建-->興趣

講開會計, 我建議你多D去討論區睇下人地點評論今時今日會計行業, 正反意見都一定要睇. 唔好只睇報紙, 多數係一面唱好, 唱好目的多數係引人入行.