鋁窗手把--那裡有鋁窗手把得賣?

究竟你係想買上下手掣（刁絡）定係七字抽？如果係前者，係上螺絲嗰種定係打拉釘？如果係打拉釘，好多五金舖都有得賣，但如果係修螺絲，咁就要去番賣鋁窗配件的專門店度買。
至於七字抽又分為３種，長腳、短腳同斜腳七字３種。如果係短腳，亦都可以去五金舖買，但其餘嗰兩種，咁就亦都係要去賣配件的地方買。
如果講最齊全的專門店，就係喺大角咀街坊福利會後面嗰間＜莫兆記＞，嗰度無論零售同批發，都係一樣價錢。而且都係靚料，好「襟」用。

2010-02-12 20:52:44 補充：
如果你屋企有電鑽同拉釘鉗，咁你都可以自己更換刁絡。但如果冇，咁你就要搵人上嚟換。至於換七字仲簡單，只要你有把十字批，咁你就可以自己換。但前題你要先拆咗隻舊七字，攞埋去配先至得，如果唔係，你有機會會買錯。

2010-02-12 20:59:21 補充：
仲有一種叫多點鎖，係近期比較流行，即係要先「禁」咗粒「的」落去，然後向逆時針方向擰先至開到窗；或者係要逆時針方向擰先至鎖到窗。呢種鎖，你一定要搵師傅上門換，而且會收得好貴，係等於換普通刁絡的三至四倍價錢。

你可以打去交易現場,問一問中國鋁業有冇得配售窗較,佢地d窗較有時會大手上板成交,亦可以問埋主持,現價入得唔得.

旺角廣東道好多都有，五金店可能會有，
果個野叫做刁鉻