中學問題,請各位人士幫幫忙分憂一下。

我已脫離了這個階段, 但看返你的內容, 有點感概, 以前讀書時想做護士, 當年我生物科下功夫所以成績很好,其他偏於文科, 到我果屆文科唯一生物果科改了文學, 跟住就無得再想, 成條路就改變晒。

其實, 你現在怕果兩科成績都算不錯, 你無興趣下都可以有好成績都算交待, 問題係你往後的日子如何 ? 一係就繼續努力,忘記自己意願麻木去做去交待給父母, 一係就勇敢地同父母商量下, 但同父母傾之前,你最好先同老師傾下, 因為老師對你的成績會清楚過你父母對你現時讀的科目是否適合你, 同埋有無得再做好一點, 咁你再想清楚, 因為中途轉校未必是好事, 因為已同人家相差了一段時間,再追又未知能否可以 , 怕一再後悔。

對很多父母來說, 喜歡仔女選修實際科目, 郤遺忘仔女的興趣, 這是很可悲, 讀書只是一個人生階段, 將來走的路係無人知, 講話唔好聽,多d人讀就多d人市道差失業, 倒轉頭市好就多人爭飯吃, 無一特定標準及一份好工。我唔知你父母是否一個開明的人, 但你可以主動同佢哋分享等佢哋去明白你的心情及商討。

一個人有自信心及得到支持總好過自己屈埋係個心, 多d同屋企人分享及溝通。你絶非一個天資蠢的人, 而係你出於孝順及聽話, 從來沒有做出逆意的行為,反會令自己辛苦, 個心結都係快d解開。 唔好再喊, 努力去面對個問題。

2010-02-10 21:20:25 補充：
你將心中個問題轉告給朋友知, 已經減了心中壓力, 而問題開始有點清析, 你繼續努力啦, 唔好咁易放棄。而你身邊所識的朋友真係好朋友, 會同你分擔及分析個問題, 記住珍惜啦, 齊齊努力先至有心機讀上去, 因為身邊朋友係會互相影响的。

讀書階段唔好咁快想將來帶來多少收入, 要先做好本份, 唔好俾自己太大壓力是首要條件, 因為出來做事除講學歷外, 還要講際遇問題,還有其他引伸問題, 你成長階段會帶來唔同想法, 希望你能為夢想而努力, 最緊要俾自己每日都要開心, 你開唔開心日子都係每一日咁過去, 你點揀呢 ?

2010-02-14 14:21:37 補充：
"退修唔到" 我不明白, 請補充。

2010-02-17 00:14:54 補充：
已經去到中段, 成績都算ok, 我唔贊成你現在仲有變卦, 再重頭來過會浪費時間, 最怕唔知追唔追到, 唯有繼續硬住頭皮上, 而且你有一班好同學, 試下共同進退, 大家多點一起温習、做功課, 咁你唔會亂想及壓力無咁大。
今次由父母幫你決定讀科目而感無奈, 將來日子還有很多亦會遇上更多問題, 但你要好好嘗試將自己想法多同父母傾談, 平時多點溝通,等佢哋多點了解你。

我今年都係中四，讀geog，中史同中國文學
三科都係自己簡的first choice，但讀開其實都好辛苦。

你話怕geog背，其實中西史都一樣係背...都係由頭背到落尾，點解你唔可以將打算擺喺中西史的心機喺geog﹖

其實account 同econ都幫到你第時開餅鋪，你諗下當你搞上市嗰陣，你唔識呢啲嘢又點會做得掂﹖隨時投資失利﹗所以為左你餅鋪的美好將來，加油﹗

如果你真係吃不消的話，drop其中一科去讀應用學習都可以，我記得有一科叫西式食品製作，入面有教整餅。
或者你同你家人傾下，比你drop一科，你就點點點咁囉~至於你家人想你點就你先知啦~:P

其實唔好先入為主怕左啲科目先~根本無可能會讀唔到，佢話就話應用，唔可以靠背啫~你都應該明白係無可能嫁﹗
可能你讀讀下又會愛上佢呢^^

估唔到宜家仲有li d咁既家庭壓力.....

我覺得你應該簡返自己有興趣既科黎讀.....至少上堂有心機聽先啦....

我唔知你讀到中幾....但最好係中二,三前轉科...如果唔係跟都跟唔上。

你唔應該受你父母影響你既前途....當時佢地係為你好!!

你咪當意見再自己or搵朋友加以分析,如果你最後得到既結果係你父母決定最好.....就唔好諗咁多野....."的"起心肝努力讀書!!

同埋你果d問題都係好易解決。
新校服用唔著咪捐左佢囉(係用錢買既....但li筆錢你要記住係你做決定帶來既後果)

書唔同...咪同miss 阿sir傾傾囉...唔洗全部買曬既....咪人借啦....(我唔知你係咪新學制)

到中英校就真係一個大問題....我就唔方便俾意見

總言之....宜家著眼既係你自己興趣....想讀中西史就去.....加油
ps: 西史我suggest用英文讀....因為去到al 用英文寫會高分小小...無中文咁多修飾。

以上只是意見!!
加油!

我唔知點解成日都好唔開心 又成日喊 又多野諗 多野煩
我都係中四又係簡科
IH綜合人文
圖傳
我E兩科都係吾掂
完全冇把握
我都係牙媽幫我簡左圖傳
我牙媽話畫畫可能易D
咁樣講
之後我升到中五
其實中四跟吾到
吾好話中五LA
之後教我果科牙SIR叫我退修
之後退修左
我真係腦海空白一片
我讀中學的時候,每日都吾開心架LA
Suggest you:如果你真係跟吾到
就建議你退修
吾係就會好辛苦

2010-02-12 20:50:14 補充：
我的夢想是開一間餅店xd
我都有咁樣諗過
+我msn
[email protected]
可以同我分享心事架