我剛剛買了一隻倉鼠。20點~~

A.出現打交既情況,一定要分籠,唔係到打傷甚至打死先唻處理就太遲了

倉鼠打交係因為佢地天生就係獨居動物,根本唔適合同其他鼠一齊住,一齊住就易打交or因壓力而生病,冇辦法改變鼠鼠既天性,之前冇打,多數都係年幼地盆心態冇咁重,又或係平時冇睇住鼠鼠打交,就以為鼠鼠相處冇問題;就算而家打完好似冇咩事咁,但鼠鼠對壓力好敏感,就咁睇就好難會睇到鼠鼠受到既壓力,往往因而被忽略

明白坊間同鼠店好多都話倉鼠係群居,但從生物學角度,鼠鼠真係獨居,只係多數鼠細個都唔打交,所以就易令人有錯覺,又有好多人話鼠打交只係玩,甚至話係增進感情,好彩就打唔傷,但留意一下過去既知識,就見到有不少鼠打傷打死

特別係鼠鼠好細膽,有人睇住or聽到有第d聲音既時候,一般較少會打(當然亦有好多望實佢都打生打死既例子),加上鼠鼠係夜行動物,半夜先係最活躍,打起上唻真係死左都冇人知,而家未有打死鼠既時候將鼠鼠分籠,點都好過你見到死鼠先唻後悔

我細個時試過一籠放兩兄弟,個籠好大,有2間屋仔,2個瞭望台,2個食物盆,一直我都會放大量鼠糧俾鼠鼠,食一星期都食唔晒,而且好多野都有兩樣,平日佢地會互舔身體同一齊訓,兩隻都從未咬過人,最初都未見過佢地打交,算係好似相處得好好吧?但最後就係我外出一陣之後,佢地一樣打到頭都甩,所以就算係再大既籠,同性唔同性,係咪同一胎,其實都會打既;沖完涼再放埋一齊既方法我都試過好多次,一樣打得好勁



其實鼠鼠最好分籠,如果唔同性別繁殖鼠鼠更加會有好多問題,希望你可以一籠一鼠;我一籠一鼠左好耐,鼠鼠身體都好D,唔會被打,又少受驚,我既鼠多數都係老死OR年老腫瘤而死(當然配合返唔亂食野,同適當地對鼠鼠啦),建議分籠原因如下:

1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既

2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢

3) 可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢

4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦

5)就算唔打傷打死,都會感到壓力,壓力會誘發甩毛肚瀉等疾病

6)一籠唔止一鼠,仲會較惡,特別易咬人同比較難同主人熟

7)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶

8)生b到戒奶分籠都唔可以掂鼠b,到掂得時,其實已經同鼠店買到既鼠差唔多大,咁又何必自行繁殖?期間仲要唔洗得籠臭一排,又可能會見到食b既情況



B.唔知佢地有冇受傷?打交受傷既處理方法如下:

1)有流血既話,用藥用棉花咁住傷口,用鼠專用既外傷藥同佢搽,小心唔好整到眼耳口鼻.

2)同其他鼠分籠,因為鼠鼠係獨居動物,好易出現打交情況,如果受左傷仲勉強佢地一齊,會令情況更嚴重

3)冇受傷既鼠,都必須要仔細檢查一下真係有冇受傷

4)佢地兩隻都受驚啦,受驚好易會有其他毛病,同時要keep住檢查佢地既身體同排泄物有冇其他異常

5)保持個籠乾爽清潔,避免細菌感染

6)鼠鼠唔舒服會更易受驚,受驚會令病情惡化,除左檢查及治療外,都唔好打擾鼠鼠

7)如果流血既情況嚴重, 其實都幾難止血,因為鼠鼠本身會爪會咬,如果都係止唔到既,俾佢試下自己處唔處理到.都係唔得既都幾危險,鼠鼠咁細隻,如果不斷流血,好快就會失血過多,就要盡快帶佢睇醫生啦.



C.鼠鼠咬籠其實主要係因為鼠鼠牙痕,而緊張or感壓力都會,打完就咬籠爬籠,明顯反映鼠鼠感到好大壓力,一定要分籠先得,有第籠放得太近都可能有影響,同時亦要留意鼠鼠牙齒同磨牙既情況,同埋鼠鼠唔會受驚受壓

而爬籠主要係怕鼠鼠趺親or被籠卡既隙卡住,所以要留意返呢d位置有冇咩危險(即係唔會有d咩凸出唻整到鼠鼠),而離地又唔會好遠,地面又有木糠,又係安全既地板,一般都唔會有咩問題,而教鼠鼠唔好爬可用返教鼠鼠唔好咬籠既方法;如果問題嚴重籠又唔夠安全,就要考慮轉籠了
參考資料 十多年養鼠經驗,原創文字,請勿參考轉載,謝!

2010-02-09 18:34:31 補充：
字數有限,下文再續:
分籠後仍然有咬籠爬籠既話,等鼠鼠冇咁緊張,就可以教鼠鼠,鼠鼠咬籠要留意既事及教鼠鼠唔好咬!~!~


D.唔建議同時養兩隻鼠都叫同一個名,咁鼠鼠好難會記得自己個名自己亦較亂
當你叫第隻鼠又係一樣,佢又以為你叫佢,點知又唔係,慢慢就會誤解左自己個名既意思,俾機去分辨兩隻鼠,再各改一個名吧,自己既寵物都分唔到邊隻打邊隻都唔係咁好
而幫鼠鼠改名用用疊字較好,因為鼠鼠係認聲音,疊字就易記D,咁叫鼠鼠就快D記得係佢自己既名

2010-02-09 18:34:52 補充：
字數有限,下文再續:
佢地係要用洗澡粉唔可以用水.佢地好怕水嫁.你放d洗澡粉係果個兜,如果佢唔係好識沖既話.你放d洗澡粉係佢個身果到,佢自己正走佢.唔好放到佢眼.

你換左咩野?
如果係籠你唔好正佢等佢熟下個到先,照常比野佢食等佢熟左佢就唔會爬籠.如果佢仲要爬籠你有冇囉佢出黎玩你一定要囉佢地出黎1-2小時

2010-02-23 07:03:57 補充：
咩倉鼠用品先..
我係香港仔嘅紅羅白買嘅.
價$$ 大約係咁]
寵--$80-90
食物(主要嘅)--$40-60
食物(小食)--$20--30
沖涼粉--$50-70

籠啦:有平有貴~~~~~~80-200元不等
喝水器:一般籠入面都有,單買~~~~~18元不等
食物兜:一般籠都有,單買60元不等
跑步機:40元不等
沖涼粉:10不等(唔好有味好易正到佢有皮膚病)
屋仔:29元不等
礳牙石:8元不等
你可以囉個兜放適量既沖涼粉,佢自己識,如果佢唔識你放D係佢身上等佢自己正走佢.你仲可以買個刷幫佢沖.希望可以幫到你^^

2010-02-20 02:23:12 補充：
仲有食物有隻水果糧28元,有平有貴.
佢叫PRESTIGE 28元好平我果到買唔知你果到幾多

倉鼠用品如果係倉鼠屋三層就約$200~300到!
如果普通屋(細)$25~30/(大)$50~75!

食物如果想chip就$25
最貴$90~150!

洗澡就唔洗ge!"
想佢乾淨就買洗澡粉!
唔洗用水ge !就直接抺!

如果你買洗倉鼠用品,可能要洗$500-900!

咩倉鼠用品先..
我係香港仔嘅紅羅白買嘅.
價$$ 大約係咁]
寵--$80-90
食物(主要嘅)--$40-60
食物(小食)--$20--30
沖涼粉--$50-70

用手刀可以幫倉鼠沖涼嫁]]

我之前買倉鼠用品用o左100-200
因為佢o地最需要係空間
所以買大D都唔怕浪費金錢=]
你可以買樽沖涼粉
買個盒 唔係咩盒都得嫁
你最好去賣倉鼠用品o既地方同佢講要一個沖涼盒 就ok啦