✔ 最佳答案
我唔太建議你單憑會考就覺得自己有或無能力入大學, 尤其係理科(假設你中六中七都係讀理科). 因為大學大多數學系主要看高考成績收生, 而且會考好不一定高考好, 年年都有這些例子. 預科理科生要考返同會考一樣甚至更好grading唔係容易. 有D名校理科生會考有廿幾分(大約28-29分), 但AL一科A都無.
那些甚麼文憑、高級文憑、副學士及AAT, 只是你不能升大學時才去考慮. 會計師畢竟係專業資格, 係一定要考試. 想做會計師建議你有大學學歷. 因為大學學歷畢竟係認受性較高條路較為平坦, 而家愈來愈多人讀會計, 學歷膨脹亦很厲害, 現時大型及大部分中型會計師樓請人規定要大學學歷, 有些甚至沒有規定要會計學系畢業. 甚至你做完會計師樓想去其他私人機構做會計工作, 好多都係要求大學畢業(特別是大公司), 有些更要求你有大型會計師樓經驗.
所以如果你有能力升大學, 我會建議你升. 大學唔會睇你中學有無讀過會計. 中六中七期間不要讀甚麼會計課程, 除非你讀完半年至一年覺得自己高考一定得, 大學畢業搵第一份工, 多數大公司睇你會考高考成績, 有無讀過會計係其次, 所以大型及部分中型會計師樓唔會介意你大學係唔係讀會計, 不過細公司就會要求你有會計學歷. 暑假期間, 你可以先讀一些LCCI課程, 先對會計有基本概念, 以及多看一些會計從業員對會計行業的分享(不要只看報紙及聽家長及老師的說話, 有些人對會計仍然有錯誤見解), 有興趣後才決定做會計師.
但無論如何, 雖然你覺得自己會考成績會唔差, 但幾個月時間都唔應該鬆懈, 比心機考好會考先最重要.
補充: 香港做會計師不外乎係考QP或者ACCA, 而加香港學生通常會選擇QP. QP入讀要求如下:
- 認可大學會計系畢業
- 認可大學其他學系畢業, 加完成Conversion course
- 完成PBE考試. (PBE考試需要AAT考試全部合格/獲豁免才可以考. 坊間有不少會計高級文憑及副學士都可以豁免部分或全部AAT考卷.)
2010-02-10 07:28:28 補充：
LCCI Level 2範圍與會考相同, 但試卷難度比會考容易. Level 3考試範圍比高考少一點, 亦比高考容易.
LCCI係只有英文版考卷, 所以筆記全部英文亦唔出奇. 仲有, 會計行業比較注重英文, 因為會計唔會只係計數, 計數最多係財務會計、成本會計及稅務, 你讀大專/大學程度會計時亦要讀好多會計及審計準則, 全部用英文寫. 有些會計科目係好少計數, 甚至無. 出去做野, 人地亦會講求你語文能力, 所以英文唔好就一定要加把勁.
2010-02-15 14:36:40 補充：
初級=lv.1, 中級=lv.2, 高級=lv.3, Lv.4聽人講大約係大學year 1程度.
私人公司會計文員主要都係收錢、入數、寫支票、整收據、預備入數、整報表等等, 有D公司會計文員唔會100%時間做會計, 要做埋打雜, 甚至做打雜多過做會計都有. 基本入職要求要中五/中七畢業加LCCI Lv.2/3合格, 好多會要求1-2年工作經驗.
2010-02-15 14:47:58 補充：
會計師方面, 如果講會計師樓那些, 大的會分核數、稅務及諮詢工作. 核數就係要check客戶盤數有無做假, 工作唔會只限於起辦公室做, 亦會去客戶公司工作. 因為而加唔少大中型會計師樓客戶工種搬上內地, 要返大陸基本上係無可避免. 稅務工作係幫客戶提供稅務建議. 諮詢係外判、人力資源、公司策略及IT方面提供專業意見.
上市公司的會計師要負責製作財務報表、改善內部監控、減低風險、製作報告、financial control等等. 有些私人公司亦有accountant, 是掛名會計師或者是有專業資格就不知道, 要做的其實與會計文員差不多, 但通常是較有經驗的人, 所以要做的工作會比一般會計文員難.
2010-02-15 14:50:50 補充：
還有, 如果你係想做會計師, 最重要係比心機讀好書, 考好會考高考, 會計文員經驗唔係太重要(申請細會計師樓工作除外), 就算有經驗都唔代表著數好多. 中六其實唔急於做暑期工, 除非你唔駛點讀都一定有好成績, 如果唔係就利用中六升中七暑假讀下書.
