對有錢的子女, 會偏心 d
對我同我老公就唔好
我地唔係一齊住
剛搬新居, 佢地話想黎睇下
好啦, 咁黎左, 又話好遠 ... ...
(佢地住香港區, 我地住新界區)
最嬲係係成十幾人的親戚面前
比番我地新年送個份禮我地
話唔啱佢, 都痴線既, 你唔啱咪比人 lor
即係特登走黎做 show 落我地面者
老爺就成日問層樓供完未, 我地無仔女, 死左層樓點算 ... ... (我才剛入伙)
又貪錢, 佢地(老爺奶奶)愈係咁, 我就愈唔比佢
佢個仔比 lor
有排佢個仔失業, 可能比遲左佢瓜
佢 call 爆我手機, 痴線架, 有咩搵佢個仔啦
年年叫我初一初二, 過去佢屋企, 又叫人早 d 到
想問句我唔使返我阿媽度呀? 你去我屋企識話遠, 我去佢屋企會好近咩?
好啦, 早去到, 佢 d 女都未有人到, 遲成 3-4個鐘
跟住叫你坐, 佢就入房去訓(當時10:30am), 呢 d 咩人黎架?
其他仔女遲到, 就死都唔敢打電話去追
我同我老公, 遲 d d (都仲未係最遲個個), 就成日係咁狂 call 我地
好大細超, 佢個女又可以當臮罵我地, 仲要係 d 無謂理由
只係食飯, 我唔想同老爺坐
佢地成日按排我同老爺坐, 因為佢地個個都唔鍾意同佢坐
對住佢地呢家怪人, 我真係受夠啦
下下要人地對佢地好, 好似老馮咁
我老公大病時, 佢家人一個都無慰問過佢, 無人睇過佢
一直都係我同我爸媽照顧我老公
依加我奶奶病左, 成日叫我地去探佢, 同我老公呻
我真係唔想去 lor, 我諗起佢地咁對我地
我就下唔到 d 氣 !!!!
謝謝 alex & hinng To: hinng 家用不嬲我老公有比奶奶, 我覺得佢比家用係應該既 不過, 奶奶明知佢失業都係咁追佢就唔係咁好 lor, 佢又唔係急用~~ 我同老公財政獨立, 我無要求佢比我家用, 供樓我亦供一半 我都有比我父母家用, 總之, 各不負責對方父母家的家用(一般情況下)
依加, 佢屋企人話要請個工人比奶奶(佢病左) 所以我老公的家用係由其他家庭成員告訴佢比幾多 我唔知佢比唔比到, 我只同佢講如佢錢方面有問題就告訴我, 我睇下幫唔幫到 我老公 d 屋企人平日無電話 call 下佢 個日一 call 佢就係話比佢聽要請工人, 要佢比多 d 家用 真係心都淡晒 ... ... 成家人都只會同你講錢 做冬飯都無叫我地去食飯(雖然叫都係我老公去, 我唔會去喇) 尋日我老公生日, 佢 d 屋企人一個都無比個電話佢 ... ... 佢屋企人對我唔好唔緊要, 但點解要咁對我老公? 佢好慘 lor, 我好嬲佢 d 屋企人, 真係狗眼看人低 !!!!!!!!!!!!!
1. 比番我地新年送個份禮我地, 冇問題架, 人地只會覺得你老爺奶奶咁都做都做得出,唔係嘛 **答: d 親戚都係佢 d 仔女, 會覺得我地唔係買鮑魚, 花膠, 我地唔啱多 d lor 2. 老爺就成日問層樓供完未, 我地無仔女, 死左層樓點算 ... ... (我才剛入伙) 只不過係想你生返個 **答: 佢係怕層樓益左女家咋, 哈哈 ~~~
3.有排佢個仔失業, 可能比遲左佢瓜 佢 call 爆我手機, 咁你老公有冇同佢講冇野做呀, 如果有同佢地講,都係咁催,咁直接同佢講, 駛唔駛申請綜緩黎比錢你呀 **答: 佢地一早知我老公失業, 我老公一早同佢地講左, 當時我一個人要供晒樓, 出晒全家開支, 佢無同我再講佢父母家家用既野 ~~ 4.下下要人地對佢地好, 好似老馮咁,咁對老人家好同埋佢地貪錢係2回事,唔可以混為一談 **答: 因為對佢地好就係要比多 d 錢佢地, 無錢有心都係對佢地唔好, 所以係一件事黎
5. 你地住得遠,佢唔黎探你老公, 但係想你去探佢地,呢樣野只可以怪曾蔭權,我諗你同你老公都係逼不得而先住咁遠,有錢邊個唔想住 88樓呀,而家2公婆,1個係醫生一個係會計醫都買唔起樓,咁老人家長途跋涉又真係幾辛苦 **答: 我其實就只係想講句, 將心比己 lor, 自己覺得遠, 仲要人地初一又去, 初二又去, 去咁多把鬼咩? 一個新年有幾日假者, 真係比晒佢啦, 比人休息下都好瓜 ... ...
