選擇一起走的人

你好呀!我叫Winnie!今年廿到忟!未結婚!雖剛失戀!但自問拍拖經驗都唔係少!又已經到適婚年齡,身邊有好多朋友都已結婚並且有d已經生埋仔添!見到你問題,好似好煩惱咁,以下係我嘅少少愚見,希望可幫到你!

基本上兩者我都會選擇,其實揀一定二都冇所謂,最重要係你愛邊個多啲!

(1)我要強調我並唔係時下嗰啲所謂嘅港女,我剛好相反!所以我並唔會向錢看,而我對上兩個男友都好窮,佢地嘅窮法,你可能無法想像,佢地有時連買罐啤酒買個杯麵都冇錢!身邊有幾個時下所謂嘅港女嘅女性朋友好睇唔過眼,話介紹其他人比我識!但我同佢地講:心領喇!多謝關心!雖則有時我都會唉!唉!但其實我完全唔介意!我並非喺度數佢地!我剩係想講,當你搵到一個自己愛嘅人,有錢當然好啦,就算窮,你都會願意同佢一齊捱!

(2)當然,窮唔緊要,但大前題係,唔可以唔上進!之前兩段感情,好多朋友同我講:Winnie,貧賤夫妻百事哀!我明白,雖則我從未交過一個有錢嘅男朋友!但唔知點解,我硬係覺得,窮嘅感情往往比有錢有物質嘅感情更開心!錢都唔係萬能!我會中意同埋寧願你帶我去食碗車仔麵,去大牌檔叫碟豉椒炒蜆開支藍妹!都好過去啲咩餐廳飲埋啲咩紅酒!
同埋我好老套,經常覺得當男人有錢就會身痕,但我媽就話,傻女,就算冇錢都有冇錢嘅玩法!

(3)Anyways見你咁問,你依家係咪面臨緊一個選擇?如果你真係要我揀,若照你一字一句所講!好自然地,我一定會揀#1!

(4)皆因我剩係睇到呢行,你寫住:一生穏穏定定,開開心心的過活.發達沒他份,但亦不會很窮! That's enough!你知唔知道咁樣已經係好幸福好幸福嘅事!就攞我父母做例!佢地已經結左婚40年!最初,我爸爸都係好窮好窮嘅打工仔,又要供樓又要養我阿爺阿麻同我細叔! So我外公從不睇好我爸爸呢個女婿(因我姨媽阿姨d老公都好有錢,個個唔係醫生就係收租佬,只得我爸爸係打工仔),但後來我公公發覺有錢又點,唔孝順就死啦!雖則我地依家都唔係有錢!但起碼我媽從不愁三餐,間中係會有嘈吵.今年佢地已經六十幾同七十幾歲!唔經唔覺咁又携手行左40幾年(連拍拖)!而我爸爸亦從不黏花惹草!亦從不賭博投機,咁大個人都從未買過股票賭馬(只係每個都買兩次五蚊鷄六合彩,一個月都係十蚊,唔算賭掛),踏踏實實(所以咪成世冇發達囉)!不過全世界,包括所有親朋好友,連我兩位前男友都認為,我老豆好顧家兼我媽媽嫁得好!佢地嘅case,就係你所講嘅一生穏穏定定,開開心心的過活.發達沒他份,但亦不會很窮!你愛佢佢又愛你,已經夠啦!

(5)可能好多人會唔認同,覺得:又冇靚車,又冇工人服侍...等!冇錯!但要睇返你自己!你愛佢嗎?你滿足嗎?佢對你好嗎?學你話,另一個選擇係,有理想,但會有許多煩惱,較辛苦,會為理想奮鬥,但將來會否成功,就不得而知!
我當你成功吖!但可能到時你地都未必在一起!唔係我黑心!你諗下,每日都可能吵吵鬧鬧!仲可能大部分都係為左錢嘅問題(sorry!你並冇講出會有咩煩惱同埋點辛苦,錢只係我估計)!每日都唔開心!點捱到名成利就嗰一日呢!有句說話我都好認同:通常共患難而不能共富貴!

(6)點都好啦!最後只想同你講!揀老公,無可否認,呢啲外在條件都要考慮!但唔係首要!最重要係你要諗下你最愛是誰?你要啲咩?呢樣嘢佢比唔比到你(有啲野係錢買唔到)?你可否對住呢個人,同佢一齊生活一世?你想唔想願唔願意?
Of course可能身邊好多人同你講,咩都假,有錢最實際!搵個老公無非搵張長期飯票姐!什麼你最愛嗰個永遠都唔係結婚嗰個,又或者叫你現實啲!唔好好似我呢啲人咁懶清高,咩要愛情唔要麵包,我呢庭人係好戇居!

(7)但你幻想下個畫面!若結婚後,覺得成日對住佢,係一件好辛苦嘅事的話,就算住嘉亨灣又如何?相反,簡簡單單,雖唔係住嘉亨灣,只係住牛池灣,兩個人,公一份婆一份,每日放工一齊買餸煮飯,睇下電視,放假就同老爺奶奶外父外母飲下茶!開開心心,之後過多幾年,生個小朋友,正正常常幸幸福福,仲想點?咁我打死都揀住牛池灣!以上說話好似好好好好老套,唔係好似,係直情好老套!但this is life!就係咁平凡!

(8)唔知你會唔會認同我以上所講!呢啲人生大事都係要自己決定,其他人嘅意見你當作係一個參考就算,唔好人云亦云!最緊要諗清楚自己想要啲咩?你究竟要食炒蜆定飲紅酒!冇人會百分百保證有冇揀錯!就憑心,靠你feel!並非啲靚仔靚妹嗰種feel,我所指嘅係用你個心感受一下WHAT DO YOU WANT?

大致上都係咁上下啦,因為你提供嘅資料唔多,eg你咩年紀啦,咩背景啦,點解會問呢個問題,依家係咪有兩個人同你求婚或拍拖,你正在煩惱緊揀邊個老公或男朋友等!所以我暫時只可以比意見你比到呢度為止!如果你仲有啲咩問題煩惱攪唔掂!亦唔介意同我分享的話,你可隨時電郵比我!我可以幫你分析下,俗語話:旁觀者清嘛!

2010-02-12 04:48:56 補充：
my email : [email protected]

這裡有一個免費紫微斗數、姓名取名、易經算命

詳細說明個性能力、好壞、優缺點、一生該注意的事情完整分析

可以了解自己的 感情桃花、愛情狀況、事業、求財金錢

另外還有提供免費的 姓名取名算命分析, 很準

或許對你的問題有幫助

一共8000多字，大約A4紙張12頁

網址: http://www.life-guide.com.tw/item.php

免費的, 推薦你算一下^^

個人認為, 咩性格都無用,最重要係你鍾意。合埋眼, 你諗起的人係邊個呢? 有事的時候, 最想邊個係你身邊呢?

好像1.比較樂觀，能力上，可以維持有尊嚴的生活就夠了，守著個小男人，大家嘻嘻哈哈混吃等死就是幸福了。
2.太幸苦，先不說你陪他同甘共苦升le的壓力（長期處于戰斗和煩惱中）。就算他未來成功了，你肯定自己可以達到他那時的要求，還配得起他吗？成功的男人，選擇總是多過女人的。