Canon PowerShot SX20 IS

要調較光圈的話可以用光圈先決,先將機頂轉盤去Av,跟住轉到機背轉盤就可以調較光圈,相機會幫你決定快門速度.
要調較快門速度步驟差不多,但機頂轉盤就要轉去Tv,相機會幫你決定光圈大小.
要同時調較光圈及快門就要轉去M,轉動機背轉盤只可以調整光圈或者快門其中一項,要調較另一項就要按實曝光補償即係有個+/-符號嗰個按鈕轉.
以下網頁有部相機既規格
http://www.dcfever.com/cameras/fullspecification.php?id=1241
要影人跳高在半空中停留快門要夠快,所以你要揀陽光足夠既日子去影,否則就要提升iso,會搞到好多雜訊.建議用光圈先決或者全手動(M)將光圈開到最大以獲最高快門速度.SX20 IS對焦唔係好快,建議先對定焦先叫人跳(如果可以的話).你可以開連拍博撞中人跳到最高嗰下.不過S20 IS連拍只有每秒一張,可能要撞好多次先中.否則就唯有估計快門時滯自己決定按快門既時機.
其實唔夠光靠閃燈都可以影,不過如果係用內閃的話火力有限個人唔可以在太遠跳,你可以用全手動(M),開盡光圈等閃光燈有效距離長啲,快門隨意用快小小例如1/300秒或者1/500秒.不過副作用就係背景會變黑(如果閃光燈照唔到的話).
至於影到前面清後面暗就要令前面光過後面,有咁既環境的話就咁影就得.冇既話搵一個夠暗既環境用閃光燈影一樣可以,將快門較快小小背景自然會暗.