係四年前,我係大陸同一個男人A結左婚,開頭大家感情都OK,但係由於佢係大陸住,我係香港住,後來我係香港識左另一個男人B,我地一齊左,仲有左BB.我有同男人A講離婚,但係佢唔肯,佢家姐恐嚇我話我咁會坐監,佢地會告我通姦,我因為擔心坐監BB出世無媽咪,所以唔敢離婚.我幫BB女做出世紙,佢地要我填爸爸係男人A,咁樣佢地就好快落黎,我同男人B都唔肯.到最後佢地又恐嚇我唔俾我填生父係男人B,又話我填左會坐監,因為咁BB女跟左我姓.佢地成日都恐嚇我,今次我生左個仔,生死註冊署要我合法老公填宣誓證明個仔唔係佢既,如果唔係就要分居紙,再唔係要驗DNA $3300;佢地知道我要幫個仔做出世紙,又要我填生父係男人A,我同男人B照舊唔肯,佢地話今次再唔填係佢,我一定會出事俾人捉去坐監.後來佢地見我地態度咁強烈,就假意答應我地去生死註冊署做宣誓,然後攞左我本結婚証書話去影印,跟住就搭的士走左.天呀!你話有無咁無賴既人,我真係好憎佢,佢竟然就咁放低手推一個兩歲BB,心口抱一個剛出世BB,未坐完月既女人就走,佢地都唔係人黎架.我打俾佢,佢話問一問上面大陸我咁做有無問題先,下午再去做出世紙.聽佢咁講,我仲要傻傻地等左佢成日,其實佢就放左我飛機.
問題
一.我好想同佢離婚,但係兩本結婚証書係佢度,我只有佢既身份証明文件及結婚証書副本,我應該點做好???
二.我唔敢返陸丰辨補領証書,因為一來仔仔未有出世紙,二來佢食人奶我走唔開,三來亦都係最重要,男人A有個親人做公安,我怕我一返去未補領到,都唔知會唔會俾人溶左,所以我想問有咩方法係唔駛返去補領証書,又可以單方面伸請離婚???
三.可唔可以唔駛男人A出現都可以補領証書及伸請離婚呢???(我憎死佢同佢家姐,可以既話呢世都唔想見佢地)
四.我攞綜緩,未必有錢請律師打官司,咁我可以向邊個求助???
有耐性睇完以上既人,好多謝你地,無論你地俾咩意見俾我,我都先係度多謝你地,多謝你地肯花時間睇完我既事,多謝!
更新1:
我問過啦,佢地都係叫我返去整返張結婚証書,但係我又行唔開,唔想返去
