咁即係落地獄既意義係要我地承受返自己所犯過既錯。
但呢d苦又係永遠,如果上帝真係想人改過,點解又要人承受呢種苦(永遠留係地獄)?
咁唔係只會加深對上帝既憎恨咩?久而久之,想改都難啦。
對住自己犯過既錯,唔去俾機會修正,而只係不斷罰,有用咩,我覺得只會適得其反喎。
如果神係充滿愛同包容,唔係應該俾機會我地改嗎,佢都講過原諒人70個7次,
唔通短短100年既時間,就足以肯定我地"永遠"都唔會改過?
更新1:
001:即係將人標籤姐,用100年既時間去肯定一個人係唔係真係信,呢100年相對於永遠只係一段少到計唔到既時間。神既公義唔通就只係以偏概全?
更新2:
003:你有你既道理,但我只係想知自己死後既去向,先可以計畫一切。如果好似你咁講,咁我就算做左咩好事,唔信主,一樣落地獄,咁倒不如依家自殺早d落去。
更新3:
004:你講得岩。不過好耐之前,開過post,有人係答我,行善悔改重要,但只要唔信主一樣落地獄。我都係想知當中既因果又係點姐,唔信係因,點解果要係地獄?
更新4:
005:基督徒是『未來世界』的“王”,呢個係基督徒作?如果係,咁就唔算謙卑啦。即使肯定會發生,但一日未發生,一日都唔會肯定住,咁先係謙,希望我冇曲解到。btw你都係冇答我,點解單憑一百年就決定到永遠
更新5:
001:你講到呢一百年係尋找上帝,但又要死後先見到佢,咁呢一百年只單靠聖經一本書去尋找? 你又提到佢會算清我們在世為祂做了咩,而我地在世時又見唔到佢,就單憑聖經去為衪做事? 點解一定要用在世所做既事去衡量?死後,真正認識到上帝,再為祂做事,悔改都唔算遲-對於永恆來說。
更新6:
006:ha我尚係一個學生無能力去姐,有能力我唔只想去呢d人間煉獄添,世界每一個去到既地方都想去,有能力邊個唔想擴闊視野增廣見聞喎
更新7:
003:thx for解答。我只係有時訓唔著就會諗起呢類既問題,而又諗唔通先係yahoo問人。自問連眼前既野都追求唔到,又點敢真係想追求死後既天堂,唉
