我好朋友(A),明天開了一個預祝佢生日既唱k party,
好耐之前,我已經話未必去到...
到琴晚 我好朋友(A) 和 另一個好朋友(B) 駁3line 給我
(A)同(B)就問我聽晚係咪去,
我話唔去啦...
佢地就好激動咁問我,點解唔去丫?
唔去唔緊要,都比個原因佢丫
佢約果班朋友,90%係佢之前番學(另一間學校),我都唔識既
因為我第二日朝早要番學>9am,
而佢party係11pm先開始..距離我家要1hr車程
跟住就(A)就開始單單打打
大既講少少啦: (令我有點痛既說話)
1.唉...連我最好既朋友都唔黎啦,連你都放我飛機,聽日得番我同你既ja(A)同(B)講
2.我話最多我黎到12點到走啦,佢話:你鍾意囉,你咁多$哂,又唔係我,你咪12點走囉
3.唉...又肚痛TIM,痛左3日,都唔知係你係落咒!
唔打咁多啦...
全程我都無咩點出聲,我都知我唔去都有錯,我就當佢講笑咁,聽完就算
係差唔多1hr電話過程入面,佢不停問我,點解唔去呀!比個原因我,
我又不停重覆答佢,佢又話我吹水,
佢叫我黎到3點到走lor,我話考慮下先,比5分鐘我,
佢話比5分鐘你!? 你一定肯唔會再聽電話啦,
呢家2點幾啦wo,你聽日唔係番學咩?你又話好早訓!?你呃我...
繼續單單打打左10min到,就問我,點呀,考慮成點呀?
我就話: 我話唔去,你又唔肯, 我未講完,佢就
咁無野啦,(pan) Cut左線...
現在我真係好無奈...
既然一個好朋友,唔係應該互相體諒既咩?
大家都係獨立個體,係咪唔應該侵佔大家私人空間?
我明白大家都係好好好朋友,我唔到佢會唔開心,
但我可以遲d再出黎請佢食餐飯補數,
我都有諗過去到十二點到走,但佢同我講,
"你鍾意囉,你咁多$哂,又唔係我,你咪12點走囉"
聽完,我都唔知比咩反應佢好,
佢係電話果度不停講野有骨,
其實佢有無理過我感受,
佢收左線之後,我個心都好痛,
佢msn個名打左句"衰到無朋友"
之後block左我,
點解識左咁耐既好朋友,為左1個預祝生日party而咁對我?
我已經買定左份禮物,過幾日先正日,諗住到時先比佢...
不過,呢家都無用啦,
我只係托我朋友(B),
聽晚同(A)講聲,對唔住&生日快樂,
大家都係男仔,可能佢脾氣有點暴燥我都明白...
不過...我都係第一次比男性朋友令我不禁流淚....
我可以點做? 今天番學提不起精神 T_T
更新1:
多謝5位既意見 我同我個朋友,前兩日出左黎, 雖然仲有少少尷尬, 但希望日後會無事啦!
