用魚快治做魚缸嘅長期消毒ok嗎？

我自己會覺得用粗鹽比用魚快治好得多,
鹽係好好既良藥,對大部分魚種有效,亦無害處,
但係魚快治就好似打針果d疫苗,主要都係菌對菌,
有時你發現白點病,落藥後反而會變得更為嚴重,
亦未清楚對人體皮膚有冇一定壞處,
最好唔好搞~

另外,
你既魚無病無痛而你落藥,
可以話係防治,但我自己覺得係似乎虐待緊d魚,
咁樣係要佢地係健康當中受苦,
而且白點病係會翻發,預防極都一定會再出現,
你不如養魚期間,等水質穩定,死魚量降至零,
咁樣養魚法反而係最好~

我係養開金魚既,無咩問題都唔落魚快治,
我會選擇先落鹽,鹽效用好大,
落到一定濃度就可以預防,甚至殺死部分寄生蟲,
養養下都開始減少死亡率,而近呢幾個月都無死過魚,
養魚唔係話又預防咩預防咩,最重要係你有冇放心機去維持水質穩定,
你咁樣落藥就甚至可能令缸有殘留既藥物,
可能都會引起病症~

2010-02-06 11:36:35 補充：
金魚反而係最適合落鹽喎= =
如果發現金魚有少少爛尾,我會落鹽,
第二日就好返,如果唔用到鹽既,我堆魚又會無事既!?
我既舅父同樣養左廿幾年金魚,每次有事都先用鹽,
嚴重者用藥~

其中網上亦有文章講及 :
用３％食鹽水／用２％食鹽與３％小蘇打的混合液（１０－１５分鐘）：
可防治「鯉魚」的豎鱗病
此科包括錦鋰同金魚~

再講,魚缸只要清水都可以做到好清潔,
你又無死過魚,點解要做呢類消毒??
養魚注重既係水質,並非消毒,有冇消毒,水質差一樣死魚,一樣可以有病~