如何自處係學校?

我都係好似你咁,課堂秩序太差,D同學又沒品.

但佢地無品係佢地既士,我只會專心做好自己,讀好d書.有唔明會問老師
課後老師忙既,就問佢幾時得閑,or唸定有咩問題要問,係上課時間爭取發問
有d同學可能會話你扮好學,係唔係扮,睇下成績就知,話俾佢聽你只係想讀好d書
唔可以怕問問題,唔問你就一直都唔識,到你大個出尼做野仲唔識就醜死怪.
反正你個班d秩序咁差,你醜下又有咩問題,寧願係你班到醜都唔好係社會醜
其實係上課時問係好爽,問題即刻解決曬.
但若果你真係唔得既,就係功課問.係功課上面寫下問題傳俾老師

仲有,功課唔可以做完就算,仲要番溫.之後自己係課本搵練習做,有時我會睇定下一個單元教咩,嘗試理解.一星期一定要有固定既溫書時間,我相信你成績一定有進步

係學校得自己一個無朋友又點,有咩大不了.覺得無人同你玩好悶既,就join多d
課外活動,話唔定你可以識到其他人.

good luck!!

唔好太依賴其他人,試下自己做D野,有時老師係堂上講既野同書本差唔多,未必句句都要聽得好清楚...加上你可以要求老師調你位坐前面(反正你D同學都唔聽書唔驚阻住人)或者同老師投訴啊~

而且每個老師課後都會好忙,點解重會有人去問?唔好怕事,老師見你咁積極就算幾忙也好,都會盡力教導你架!上堂聽唔到既野放學搵老師學返~如果你怕不太好,幫老師做返D野米得~

同學惹人討厭都係一年既事,考好D成績去好D班,米見5唔到佢地!(除非你班已經係最好)再不是就轉校...

所以同學惹人討厭並唔係你問題,只是乞丐的無聊之作。只不過你乜都唔敢出聲就需要改善,你唔開口係冇人知你諗咩架!

PS:個人主觀純粹參考,不過你句"不屑與之同流合污...既不能學習又影響情緒"好正~

呢ｄ點會係你既問題呢？
呢ｄ只不過係你同學既問題姐
係唔洗理佢地架
如果你真係有誠意問老師既話
老師都會抽ｄ時間黎答你既
除非個個係一個冇教育熱誠既老師姐～

我覺得最緊要係唔好比人排斥lor。。。。。
你可以試下join下d人，不過有事時，做嘢唔好去得咁盡。
你咁樣遲早比人排斥，當你玩具咁玩，到時仲慘過學習唔到。
如果真係冇辦法嘅，咪搵學校社工lor，必要時試下搵其它學校。

如果你係有心學習, 老師幾忙都會抽時間解答你 , 這是他們的責負去教導學生!
我建議上課前先預習 , 睇定課本 , 之後再上課 , 如課間有野唔明 , Lunch, 小息 或放學後問佢. 我相信佢地會用心指導你 , 不要怕麻煩.

另外 , 同學既野係咁 .......不過我相信總有乖學生吧 , 找你認為好的同學一齊玩....總可以吧