Canon 500d 點調教自然色？

影響相片顏色最主要有兩個因素.
第一係白平衡,這是令偏色出現的最主要原因,自動白平衡好多時並不可靠,尤其係人做光源例如光管及燈炟等,除咗可以改用預設的光管,燈炟,陰天白平衡等等,或者用白紙/灰咭等自設白平衡外,最徹底方法始終係影raw,跟住用軟件作仔細調較.
另一個影響顏色的因素係picture style.好多人成日話Canon適合影人,Nikon適合影景只因為佢地太依賴相機的自動功能.只要調較翻相機內的銳利度,對比度,飽和度,色相等,其實任何機既顏色都可以好接近.
Canon 500D的picture style調較只要按機背轉盤的下方向按鈕就可以進入,由左至右依次應該就係銳利度,對比度,飽和度同色相.佢本身亦已經有一個叫做自然既須設picture style,不過口味人人唔同,Canon工程師認為自然可能你就認為過於清淡,所以佢有三個用戶自設既位留俾你.其他預設咗既其實亦可以改.你可以改到啱自己口味為止.
以下網頁有講在哪裏調較picture style
http://www.dpreview.com/reviews/canoneos500d/page8.asp
你可能會覺得以上咁多設定會好煩,影相有時要影就影,邊得閒搞咁多設定,呢個想法絶對正確,所以最徹底的方法其實又係影raw,之後用軟件點搞都得.咁亦唔算做假,只不過一個係電腦做,一個係相機做吧了.