電腦火牛風扇唔郁問題

趁早換過隻牛啦,如果唔係一陣間一炮三響就大鑊啦, 即係一燒就燒埋火牛, 底板, CPU,一炮三響

樓上各位C兄都覺得要換火牛，以免發生火警，非常正面。
但我有另類建議

1. 你個火牛是否大牌子，如保養期未過可以攞去維修，因我用2theMAX牌子火牛，個別型號有2至5年保養，我上隻牛用咗3-4年壞咗但仲未過保養期，佢話唔整，換咗隻新嘅俾我。

2. 如過咗保養期，但係你隻牛係好貴嗰D，用得但只係風扇壞咗，又唔想就咁放棄，拆開隻牛拎把壞風扇出嚟去配過把新風扇，三幾拾蚊就得。

3. 如對電子嘢信心不大，攞幾佰蚊出嚟買隻新火牛。

快D去黃金買過隻新火牛換啦, 唔係整壞部電腦(過熱). 一隻火牛10幾蚊之麻, 唔好搞啦, 因小失大.

好明顯係風扇積塵或某些緣故壞左，應立刻更換火牛，否則火牛有機會因為過熱而燒毀，更嚴重者會燒埋電腦既其他硬件。

點做﹖緊係換咗佢喇﹗

您好，本人認為借個情況即是代表火牛風扇老化，建議您更換。