感情問題～(請男士進入)

其實我暗戀左個男人好耐~ 佢係一個補習老師(單身)

而我今年18歲~ 而佢大我13至4年左右
我本身私底下已經識佢(我意思係我地2個係私人場合傾過計..介紹過甘啦)

我本身就好仰慕佢..甘佢都知既! 我後黎參加佢既堂~ 再次見佢

起初佢都係驚奇我黎左，後黎上到唔記得第幾堂 ，大家開始洛堂後傾計

開始更深入認識大家性格，由原來佢一洛堂就走．．去到佢試過幾次等埋我一齊先走（所有同學走晒）

佢話佢覺得我係個好孝順既女仔又鍾意笑又欣賞我煮野食好叻，

我最記得佢問我幾歲．我答左佢之後~佢就講左句：如果你大多幾年，我實娶你做老婆～　之後又有意無意甘講:但我大你十四年wor～之後我話：唔緊要．年紀大都幾好!

之後我開始feel倒大家有d 野~ 我之後仲親手整左蛋糕比佢食! 去到最後一堂上完果陣

佢叫我留低，之後等d同學走晒．佢就同我講：上次你整個蛋糕好好食，我直情開埋氣水黎送，我而家減緊肥...但我都一口氣食晒～所以今次肥左小小都係因為你！

之後我一如以往甘對佢微笑～　我地一齊走，當時我好緊張（因為當日係最後一堂）　我拎出手中既紙仔（入面寫左我手提號碼）　

我為左可以增加佢打俾我既機會,我講左個藉口：我今次係最後一次黎上堂～唔知幾時可以再見你～呢個我電話。　

之後佢話：下次再見，會係我約你食飯既時候! 之後佢仲收左我張紙~

我地一路傾計~ 去到分頭走既時候~佢講：我到時sms俾你知我手提丫~
我微一微笑~up一up頭~之後就拜拜!! 之後都無回音~

你地睇完以上既野~ 覺得佢係咪真係對我有好感~ 如果我既直覺真係無錯
甘點解佢對我有好感又唔打俾我？ 但我知佢到而家都單身緊~

定佢諗諗下覺得無可能? 唔該各位成熟的男士比個答案我丫~



p.s我本身中五畢業 之後就做緊野~我識佢果陣..佢已經知我唔係讀緊書