緊急荔枝角收押所問題

基本上你去到要即刻同d阿sir講你老公叫咩名、身份證no，因為當個犯人入o左去o個陣d 阿sir就會問佢o係佢個探親list到想加d咩名落去，通常都會落父母、配偶or子女，咁你去到都要比身份證d阿sir check。

收押等過倉o個d我真係唔記得可唔可以入o野，不過應該都得o既，你可以入毛巾、原子筆、雜誌、單行簿、煙、洗頭水、朱古力、花生豆等等。

你可以去到荔枝角地鐡站，沿路行去o個陣有d士多仔專賣呢d o野，你第一次去驚買錯牌子最好o係呢d地方買，雖然比出面貴o左少少，但好過買錯，因為一買錯size d 阿sir就唔會比你入gar la。

去到都好似要過3關咁，首先玉到就將d袋入locker等叫no.，之後就要入去過security，入到去仲要再等，但如果你要入o野比佢就千祈入到去唔好坐，因為你入o野都要排隊，入面好鬼多人排隊，入洗頭水同入朱古力o個條龍又好似唔一樣，所以o係入面排隊o係最浪費時間，真係可以企足大半個鐘。

你話你老公會唔會比人蝦我就真係唔清楚，但相信凡事都要忍，唔好比人講兩句就同人嘈，始終有d人被判o左好耐，想搵多d人o黎陪自己，所以一定要忍。

所有o野都可以o係荔枝角買，唔駛驚買錯o既問題，最好就買d o野同雜誌比佢，因為佢o地真係好悶，同埋你唔買洗頭水o個d比佢佢真係o係入面乜都冇得用，遇到好心人咪會借住比你用lor。同埋等候過倉同還押o個d人o既探監時間都唔同，分上下午，呢d我都唔知道，你驚人多同miss o左o既話可以一早去（一早去唔駛等咁耐）問o個到d阿sir，如果真係只可以探下午o既咁你就要下午再去多次（不過盡量o係佢開始o既時間早，都o係o個句，唔駛等咁耐）。

通櫃呢家o野以我所知每次轉親地方都要通一次，所以o係冇得避o既。同埋入面o個個種feel好似睇電視劇咁，o係隔住玻璃講電話o既。

每個監倉可以入o既o野都唔同，所以你今次o係荔枝角入到o個d o係第二個地方都未必適用，你可以到時再問你老公，因為佢o係入面都會問人。

2010-02-03 15:43:06 補充：
仲有，你要記得去到對d阿sir要超好禮貌，因為你去到登記問o野o個陣d阿sir都好鬼串，你要唔好介意，因為呢d o係佢o地o既文化。再加上你唔知你老公個犯人no.，即刻變要佢o地做多d o野去幫你check，所以佢o地一定會串你gar la，做定心理準備呀！！