電話騙案(自稱收數打嚟追04年7月既報紙數

本人在09年7月中收到一個無來電的電話,當時屎蟲第一句就話自己係收數既,問我係咪叫xxx,我就問返佢收咩數呀? 屎蟲就一輪粗口問我係咪唔能還先?我就同屎蟲講你地追咩數又唔講,淨係一味問還唔還,我想還都唔知幾多啦 .咁佢地就講係幫姓姚既(當然呢d名我都唔識)追我04年7月報紙數(即貴利),之後我立即同我家人講有d咁既騙局,(我認有借過貴利,一首先已經清數,二:我借既時候系07年,雖然屎蟲講得出我同家人既資料,但我肯定04年無借過貴利數, 我懷疑d貴利佬賣料比人,等d垃圾去睇吓呃唔呃到人錢),佢地唔駛一個鍾就打電話去我大佬度,當然我哥都係唔理佢啦 叫佢地唔駛講咁多廢話,有本事既就上嚟收囉.......
之後過了一個多月的一天再度收到電話,今次都係講返同之前一樣既野,唔同既係態度溫和好多,咁我見有時間就同佢地玩吓囉,對話如下 屎蟲:你條數諗住點呀? 我:你地唔煩既咩,我都話無借過仲打電話嚟博咩呀? 屎蟲:個個都話無借過啦,而家你還定唔還先? 我:你地講到真既一樣咁你地實有入數紙架啦,唔係憑咩去追人呀,你地講幾多就幾多呀? 我:同埋人地走數咁耐先嚟追,唔等過多幾十年先追? 屎蟲:你有心走數,你條數都轉咗唔知幾多手先到我地度,至於入數紙既野咁耐都會留返系度
我即刻笑咗出嚟:咁究竟個陣時借咗幾多呀?而家咁多年以你地d息口我咪跳樓都唔掂?
屎蟲:你條數本金就此5000,你係咪有心還先,係既我就幫你諗個靚數比你.......

我話咁啫係幾多呀? 屎蟲:幫到你盡,10日內還返$5000咁就無事,同埋你可以放心,我地會比返清數紙你,咁你第時就唔怕再人追啦

我:咁好呀,咁耐都係還返本金,咁你地公司系邊度呀,等我上嚟還啦,或者你鍾意可以上我屋企收架...............

屎蟲就9唔答7話:我地公司就唔方便喇,只會比客上嚟啫,我地交收都係用戶口既,只要你入完就會奇返張清數紙去你屋企

我:咁無辦法喇,我本身行動不便既,你地上嚟就上,唔上就唔好打嚟喇,之後就cup佢線

加上已經去備案,雖然警察要等佢地有刑事先會做野,咁就過咗幾個月..................

2010年既早幾天,今次又打嚟,又係講同一樣既野,我就講你地有本事仲駛咩幾個月又打嚟呀,擺明老屈仲想博我無記性呀,我唔能知你地係上一班人定係買料返嚟既傻西,而家就得一句,歡迎你地任何時間上嚟搵我


系度只想分享比大家,睇吓有無一樣經歷的人,因為早幾個月發生這件事我在wevee裡面識到一個一樣經歷的人,又在yahoo知識講過這事,亦都有人都我一樣,連屎蟲電話都係一樣,也是追04年7月既數,(我們幾個人都是借過貴利數而又清還的,看來呢班垃圾新年前想搵錢過年)