p.s.希望大家如果引用聖經時可以加d個人既見解啦,thx!
p.p.s.如果大家係無神論者既話,希望可以先假設一切係存存既先啦!
首先,呢個問題細細個就諗啦,點解上帝無啦啦要創造世界創造人既?
既然上帝係萬能,即係祂應該咩都知啦,咁點解祂又要創造左禁果俾阿當同夏娃食既?
另外,信神既人(當然唔係得個信字果d啦)可以上天堂,唔信既要落地獄,點解唔信既要落地獄既?
神如果係想懲罰唔信既人,點解佢又要俾我地有自由既思想?咁唔係間接一定要人落地獄咩?
人始終會對未知既事物有猜疑,係呢個時代出世既人只係靠聖經先認識到神既存在。唔通以前有人真係見過神,如果神真係想人完全信佢,點解唔親自出現呢?(唔好講神蹟,因為呢d例子多數只係發生係一兩個人身上,唔係當事人根本冇可能見到)
除此之外,永生又係咩?先唔理永生係咪真係會永遠快樂。
我想問既係,永生,係咪一直到永遠,只要神一直存在,就一直永生?
如果唔信神既人,得唔到永生又即係點?落地獄?從此化為塵土消失於世上?
如果落地獄,咁係永遠受苦,定係受到某個時段消失?
其實最唔明都係,既然神要創造人,又要俾自由思想我地,點解要我地落地獄,
咁唔係等同殺一個有問題既bb一樣咩?唔係話要包容既咩?
唔好意思...好似好多問題咁,但係想了解更多就一定要問架嘛^^
所以希望有心人,宗教人士,可以幫一幫手解答!
p.s.歡迎真心既解答,不論善意定惡意~但就希望大家會尊重自己,唔好為罵而罵^^
總理一下d問題先啦
1)神點解要創世?
2)神俾自由我地,但唔信佢既人要落地獄,咁唔係間接一定要人受罪咩?
(p.s.神都無實際出現係呢個時代,所以一定會有唔信既人存在)
3)永生係...?
4)落左地獄之後受永遠既苦定只係受一段時間既苦,受完苦又會去邊?
大致係呢4條啦,如果可以既話,最好可以為以上既所有問號都搵到個答案啦^^
感謝大家!!!
更新1:
re1樓:睇完你咁講,覺得你好有個性^^ re2樓:知識+同yahoo知識有咩分別? re3樓:thx你解答我大部分問題^^ 不過你講到落地獄既人係因為佢地既罪同唔信主,如果有個人一生所做既都係好事,除左相信神,咁佢都係咪會落地獄架? 同埋呢,你話地獄既苦係永遠,咁會唔會有得到永生既人覺得呢種苦係悲哀因而落淚架?我記得唔知係邊見過,得到永生既人即係上左天堂,就唔會再流淚,唔會再傷心。如果佢地唔為落左地獄既人(可能有佢地既家人,朋友)而悲哀,咁唔係好無情咩?始終除左主之外,呢d身邊既人始終都係陪伴過自己長大。 ~呀...講到自己都亂晒呀,btw希望你睇得明同解答埋啦^^
